به‌هۆی پاڵپشتیان لە ماڵەکانی بەساڵاچوان وماڵەکانی منداڵان " بەڕێوەبەری گشتی سوپاس و ڕێزلێنانی خۆی دەبەخشێتە کۆمپانیای کار.
ڕۆژی یەکشەممە، 19ـی6ـی2022، بەڕێز م.ئیسماعیل ڕەشید ،به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی،به ئاماده‌بوونی به‌ڕێزان، زەیتۆ تۆفیق بەڕێوەبەری چاودێری کۆمەڵایەتی هەولێر ،خاتوو، ژیار جەلال بەڕێوەبەری چاودێری کۆمەڵایەتی سلێمانی، مافناس هیوا ڕەحمان، ڕاوێژکاری یاسایی ، پێشوازیكرد له شاندێکی کۆمپانیای کار ، کە پێک هاتبوون لەبەڕێزان( شێخ ڕۆژ سالار ، سامان صدیق) نوێنەری شێخ باز سەرۆکی کۆمپانیای کار.
لە چوارچێوه‌ی سه‌ردانی شاندی میواندا بەڕێز بەڕێوەبەری گشتی، خه‌ڵاتی سوپاس‌و ڕێزلێنانی خۆی پێشکەش بە بەڕێزیان کرد ، لە پای ئەو خزمەتەی کە بە ماڵەکانی بەساڵاچوان و ماڵەکانی منداڵان و منداڵانی خاوەن پێداویستی تایبەت و هەژاران کردوە لە ڕێگەی بەڕێوەبەرایەتی گشتیەوە و کارەکەیانی بە کارێکی گەورەو مرۆڤ دۆستانە وەسف کرد و هیوای بەردەوامی بۆ خواستن.
له به‌رامبەردا شاندی میوان سوپاسی بەڕێوەبەری گشتیان کرد لەبەرامبەر هه‌ڵوێستیانداو جه‌ختیان له‌سه‌ر هاوکاری کردنی هاوڵاتیانی هەژارو دامەزراوە کۆمەڵایەتیەکان کردەوە لە هەرسێ پارێزگای سلێمانی و هەولێر و دهۆک بێ جیاوازی ئەو کارەش به ئه‌ركی خۆیانی دەزانن و لە هاوکاری کردنی دام ودەزگا کۆمەڵایەتیەکان و هاوڵاتیان به‌رده‌وام ده‌بن و هه‌ماهه‌نگی‌‌و پێكه‌وه كاركردن له پێناو به‌رژه‌وه‌ندی گشتی‌‌و خزمه‌تی زیاتری کەمئەندامان و ماڵەکانی منداڵان و بەساڵاچوان بە زەرور زانی.
|