ڕۆژی شەممە ٢٦ی٦ی٢٠٢١، بە ئامادەبوونی مافناس، هیوا ڕەحمان ، نوێنەری بەڕێز بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، و ناز ووشیار، نوێنەری ڕێکخراوی (unfpa) ، نوێنەری دادگای سلێمانی و نوێنەری فەرمانگەی داواکاری گشتی و نوێنەر زانکۆی سلێمانی ، مامۆستای ئاینی و ڕێکخراوەکانی ( خانزاد ، ئەکادیمیای ژنان بۆ سەرکردایەتی لە عێراق ،ئاسودە ، یەکێتی ژنان ،ئەکادیمیای ژنانی ئازادیخواز ، cdo , pdo , dhrd , dcvwa , نوێنەری بەڕێوەبەرایەتی توندوتیژی دژی ژنان ) لە هۆڵی هوتێل تایتەنیک ، بە سەرپەرشتی وەزارەتی کارو کاروباری کۆمەڵایەتی و بە هاوکاری ڕێکخراروی (unfpa) ۆرک شۆپێک بەڕێوەچوو.
تەوەری ۆرک شۆپەکە بریتی بوو لە ( چۆنیەتی بنیادنانی شەڵتەرێکی مۆدێرن و چارەسەری گرفتەکانی) ، سەرەتا نوێنەری بەڕێز بەڕێوەبەری گشتی ، باسی لە ڕۆڵی ئێستای ماڵی داڵدەدانی سلێمانی کردو ، کێشەو گرفتەکانی ماڵەکەی بۆ ئامادەبوان ڕوون کردەوە ، پاشان ئامادەبوان باسیان لە بنیاد نانی شەڵتەرێکی باشتر کردو چەند پێشنیار و ڕاسپاردەیەکیان گەڵاڵە کرد بۆ  چارەسەر کردنی ئەو  گرفتانەی ڕوبەڕوی ماڵی داڵدەدانی ژنانی هەڕەشەلێکراو لە پارێزگای سلێمانی دەبێتەوە. وە ئامادەبوان پاڵپشتی و پشتگیری خۆیان بۆ ماڵی داڵدەدانی ژنانی هەڕەشە لێکراو دەربڕی.
لە کۆتایدا مافناس ،هیوا ڕەحمان ڕایگەیاند کە ۆرک شۆپەکە سودێکی زۆر بە ماڵی داڵدەدانی ژنانی هەڕەشە لێکراو دەگەیەنێت و هاوکاری و پشتیوانی ئامادەبووان بۆ ئێمە گرنگە و بە ناوی بەڕێز وەزیری کارو کاروباری کۆمەڵایەتی و بەڕێوەبەری گشتی چاودێرگەشەپێدانی کۆمەڵایەتیەوە، سوپاسی کردن .