"به‌هۆی پاڵپشتیان لە ماڵەکانی بەساڵاچوان وماڵەکانی منداڵان " بەڕێوەبەری گشتی سوپاس و ڕێزلێنانی خۆی بەخشییە هەریەک لە ڕێکخراوی لەیاد و دایەنگەی خەونی منداڵانی ناحکومی کرد
ڕۆژی دووشەممە، ٧ی٦ی٢٠٢١، به‌ڕێز نەهرۆ عەبدوڵڵا عەلی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی بە وەکالەت،به ئاماده‌بوونی به‌ڕێزان، سۆران سه‌عید، به‌رپرسی به‌شی پلان‌و به‌دواداچون، مافناس هیوا ڕەحمان، پێشوازیكرد له بەڕێزان ڕێکەوت حامد وادی، بەرپرسی ڕێکخراوی لەیاد و تابان محمد محمود بەڕێوەبەرو خاوەنی دایەنگەی خەونی منداڵان.
لە چوارچێوه‌ی سه‌ردانه‌كه‌دا بەڕێز بەڕێوەبەری گشتی، خه‌ڵاتی سوپاس‌و ڕێزلێنانی خۆی پێشکەش بە هەریەکە لە بەڕێزان خاتوو تابان محمد محود، ڕێکەوت حامد وادی کرد ، لە پای ئەو خزمەتەی کە بە ماڵەکانی بەساڵاچوان و ماڵەکانی منداڵان و منداڵانی خاوەنپێداویستی تایبەت کردویانەو بە کارێکی گەورەو مرۆڤ دۆستانەی وەسف کرد و هیوای بەردەوامی بۆ خواستن و ئەوانیش چه‌پكه گوڵی ڕێزو وه‌فایان پێشكه‌ش به به‌ڕێز نەهرۆ عەبدوڵڵا، به‌ڕێوه‌به‌ری گشتی و سۆران سعید بەرپرسی بەشی پلان كرد له پای هه‌ماهه‌نگی‌‌و كاری پێكه‌وه‌یی‌‌و ئاسانكارییان بۆ كاره‌كانی ڕێكخراو .
له به‌رامبەردا به‌ڕێز به‌ڕێوه‌به‌ری گشتی سوپاسی كردن له به‌رانبه‌ر هه‌ڵوێستیانداو جه‌ختی كرده‌وه له‌سه‌ر ئه‌وه‌ی كه ئه‌وه‌ی به‌ڕێوه‌به‌رایه‌تی گشتی كردوویه‌تی به ئه‌ركی خۆی زانیوه‌و به‌رده‌وامیش ده‌بێت له‌سه‌ر ئه‌و هه‌ماهه‌نگی‌‌و پێكه‌وه كاركردنه له پێناو به‌رژه‌وه‌ندی گشتی‌‌و خزمه‌تی زیاتری کەمئەندامان و ماڵەکانی منداڵان و بەساڵاچوان.
|