بەڕێوەبەرایەتی گشتی کۆبوونەوەیەکی فراوان لەگەڵ ڕێکخراوەکانی خاوەن پێداویستی تایبەت و چالاکەوانانی ئەو بوارە بەڕێوە دەبات.
ئەمڕۆ شەممە، 23ـی ئــــــاداری 2024، بەسەرپەرشتی بەڕێز بیستون جەبار، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت و ئامادەبوونی بەڕێز هیوا قادر نوێنەری کۆمپانیای سەفرەو و نوێنەری ڕێکخراوەکانی بواری کەمئەندامان و چالاکەوانانی بواری مافەکانی هاوڵاتیانی خاوەن پێداویستی تایبەت، کۆبوونەوەیەکی تایبەت بە دابەش کردنی سەبەتە خۆراک بەسەر هاوڵاتیانی خاوەن پێداویستی تایبەت و هەژاران بەڕێوەچوو.
لەکۆبونەوەکەدا بەڕێز بەڕێوەبەری گشتی دەست خۆشی لە کۆمپانیای سەفرە کرد کە هەمیشە هاوکارن لە خزمەت کردن بە هەژاران و هاوڵاتیانی خاوەن پێداویستی تایبەت و جەختی لەسەر گەیاندنی هاوکاریەکان بەدەست کەسانی شایستە کردەوە ، پشتیوانی خۆشی بۆ هاوڵاتیانی خاوەن پێداویستی تایبەت و هەژاران و ئامادەبووان دەربڕی و هیوای خواست بتوانن بەهاوکاری سەرمایەداران و خێرخوازان لەم مانگەدا زۆرتین هاوکاری بگەیەننە ماڵە هەژارەکان ،
لەوکۆبونەوەیەدا نوێنەری کۆمپانیای سەفرە بڕیاریدا لەڕێگەی بەڕێوەبەرایەتی گشتیەوە 5000 سەبەتە خۆراک بۆ ئەو خێزانانە کەمدەرامەتانە دابین بکات و ڕێکخراوەکان بیگەیەننە کەسانی شایستە.
|