."به‌ڕێوه‌به‌ری گشتی بەڕێوەبەرایەتی چاودێری کۆمەڵایەتی سلێمانی به‌سه‌ر ده‌كاته‌وه
ئەمڕۆ ١ شه‌ممه، ١٩ی ٩ی٢٠٢١، به‌ڕێز ، نەهرۆ عەبدوڵڵا عەلی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، بە وەکالەت ،بە هاوڕێیەتی بەڕێز، ئاراس ناصر ،لێپرسراوی پارێزگاری خێزان ،دامەزراوەی چاودێری کۆمەڵایەتی سلێمانی به‌سه‌ر كرده‌وه.
له سه‌ردانه‌كه‌یاندا به‌ڕێز،بەڕێوەبەری گشتی، ژماره‌یه‌ك له بەش و هۆبەکانی بینی‌‌و گوێیان له بۆچوونی به‌ڕێز خاتوو ،ژیار جەلال، بەڕێوەبەری چاودێری کۆمەڵایەتی سلێمانی گرت ، وێڕای خستنه‌ڕووی ده‌ستكه‌وت‌و پێشكه‌وتنه‌كانی ، باسی له كێشه‌و گرفته هونه‌ریی‌‌و ئیدارییه‌كانی‌بەڕێوەبەرایەتی چاودێری کۆمەڵایەتی كرد.
پاشان بەڕێز بەڕێوەبەری گشتی ماڵی بەساڵاچوانی بەسەرکردەوە بۆ دڵنیابوونه‌وه له دۆخی ژیانی به‌ساڵاچووان‌و باشی‌‌و به‌رده‌وامی خزمه‌تگوزاری چاودێری كۆمه‌ڵایه‌تی‌‌و ته‌ندروستی بۆ به‌ساڵاچوان،
له‌و سه‌ردانه‌یدا به‌ڕێز به‌ڕێوه‌به‌ری گشتی سه‌ردانی سه‌رجه‌م به‌ساڵاچووانی كرد و له نزیكه‌وه له دۆخی ژیان‌و ته‌ندروستی‌‌و ئاستی خزمه‌تگوزارییه‌كانی پرسییه‌وه.
هه‌ر له‌و به‌سه‌ركردنه‌وه‌یه‌دا به‌ڕێز به‌ڕێوه‌به‌ری گشتی ده‌ستخۆشی له به‌ڕێوه‌به‌ری چاودێری كۆمه‌ڵایه‌تی سلێمانی‌‌و به‌رپرسی ماڵی به‌ساڵاچووان‌و سه‌رجه‌م كارمه‌ندانی كرد كه به شێوه‌یه‌كی زۆر شایسته به‌رنامه‌ی ده‌وام‌و پێشكه‌شكردنی خزمه‌تگوزارییه‌كانیان داڕشتووه‌و ڕێوشوێنی پێویستیان بۆ پاراستنی به‌ساڵاچووان له په‌تای كۆرۆنا گرتووەته به‌ر، هه‌روه‌ك پشتیوانی خۆی بۆ به‌ساڵاچووان‌و ماڵه‌كه‌یان دووپاتكرده‌وه، و ڕێنمایى ستافەکانى کرد لە هەر دۆخێکدا ئەرکى یەکەممان بەردەوامى خزمەتگوزارییەکان و پاراستنى بەها باڵاکانى کارکردنە.
|