بەڕێوەبەرایەتی گشتی کۆبوونەوەیەکی فراوان لەگەڵ ڕێکخراوەکانی خاوەن پێداویستی تایبەت و چالاکەوانانی ئەو بوارە بەڕێوە دەبات
ڕۆژی چوارشەممە، ١٢ی ٦ی ٢٠١٩، بەسەرپەرشتی بەڕێز م.عومەر گوڵپی، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی و ئامادەبوونی ژمارەیەک لە بەرپرسانی دیوان و نوێنەری ڕێکخراوەکانی بواری کەمئەندامان و چالاکەوانانی بواری مافەکانی هاوڵاتیانی خاوەن پێداویستی تایبەت، بەمەبەستی گەڵاڵەکردنی بۆچوونی پارێزگای سلێمانی بۆ هەموارکردنەوەی رێنمایی ژمارە (٢)ی ساڵی (٢٠١٦)ی وەزارەتی کارو کاروباری کۆمەڵایەتی تایبەت بە ماف‌و ئیمتیازی خاوەن پێداویستیە تایبەتەکان کۆبوونەوەیەکی تایبەت بەڕێوەچوو.
لە کۆبوونەوەکەدا بۆچوونی پێویست لەسەر ئەو بڕگانەی ڕێنماییەکە خراپە ڕوو کە بووبووە هۆی ناڕەزایی هاووڵاتیانی خاوەن پێداویستی تایبەت و بێ بەشکردنیانە لە هێندێک کە لە یاسای ژمارە ٢٢ی ساڵی ٢٠١١دا بۆیان دەستەبەرکراوە، ئەوەش بە مەبەستی ئامادەکاری بۆ کۆبوونەوەی لیژنەی تایبەتمەند لە وەزارەت بۆ هەموارکردنەوەی ڕێنماییەکە.
|