چەمچەماڵ/ بەڕێوەبەری گشتی ژمارەیەک دامەزراوەی کۆمەڵایەتی بەسەر دەکاتەوەو بەشداری لە ئاهه‌نگی كۆتایی خوله‌كانی هاوینه‌ی سەنتەری پاراستنی منداڵان کرد.
لەسەنتەری چالاکی و پاراستنی منداڵان"لەسێ مانگی هاویندا لە خول و چالاکی و ڕاهێنانەکان 328 منداڵ و77 کچ و ژن لە خولی دروومان سودمەندبوون"
ئەمڕۆ یەکشەممە، 8ـی ئـــەیلـوولـی /2024، ژیلوان عادل، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی بەوەکالەت، سەردانی قەزای چەمچەماڵی کرد.
سەرەتا بەڕێوەبەرایەتی چاودێری کۆمەڵایەتی بەسەرکردەوەو لەلایەن بەڕێزان بەرزان کەریم بەڕێوەبەر و بەرپرسانی بەڕێوەبەرایەتیەکە پێشوازی کران ، بەدواداچوونی بۆ پڕۆسەی پڕکردنەوەی فۆڕمی بایۆمەتری بۆ هاوڵاتیانی خاوەن پێداویستی تایبەت کردو بەش و هۆبەکانی بەسەرکردەوە و دەستخۆشی لە بەڕێوەبەرو کارمەندان کرد.
دواتر لە سەنتەری چالاکی و پاراستنی منداڵان بە ئامادەبوونی بەڕێوەبەری گشتی و ژمارەیەک لە بەرپرسانی حکومی و ڕێکخراوەیی، ئاهه‌نگی كۆتایی خولی هاوینه‌ی سه‌نته‌ری پاراستنی منداڵانی چەمچەماڵ به‌ڕێوه‌چوو.
ئاهه‌نگه‌کە بۆ 328 سودمەندی خوار 18ساڵ و 77ئافرەت ڕێکخرابووکە له بواره جیاجیاكانی خولی فێربوونی زمان‌و وێنه‌كێشان‌و موزیك‌و كۆمپیوته‌ر‌و چنین و دروومان و چه‌ند بوارێكی به‌شداربوون.
پاش پێشكه‌شكردنی چه‌ند چالاكییه‌ك له‌لایه‌ن فێرخوازان‌و به‌شداربووانه‌وه، خه‌ڵاتی ڕێزلێنان به‌سه‌ر مامۆستاو ڕاهێنه‌رانی خوله‌كه‌و ده‌رچووانی خوڵه‌كاندا دابه‌شكرا.
دواتر بەڕێوەبەری گشتی بە هاوڕێیەتی ، بەرزان کەریم بەڕێوەبەری چاودێری کۆمەڵایەتی چەمچەماڵ و زانا حاجی جێگری بەڕێوەبەر لەماڵی ئارام بۆ بەخشراوان لەگەڵ بەرپرس و کارمەندانی ماڵەکە کۆبونەوە و هۆڵ و یەکەکانی بەسەرکردەوە و لەژیانی سودمەندانی پرسیەوەو داوای لە کارمەندانی ماڵەکە کرد بەدڵسۆزیەوو ئەرکی سەرشانیان جێ بەجێ بکەن و ئامادەیی بەڕێوەبەرایەتی گشتی دەربڕی بۆ هەر پێداویستی و خزمەتگوزاریەک کەلە دەسەڵاتەکانیاندا هەبێت بۆ خزمەتی ماڵەکە.