بەڕێوەبەری گشتی لەشەقامێکی شاری سلێمانی بەدواداچون بۆ گرفتی هاوڵاتیەکی خاوەن پێداویستی تایبەت دەکات.
بێستون جەبار :- "لەژێر هیچ پاساوو بیانویەک نابێ هاوڵاتی خاوەن پێداویستی تایبەت لەسەر شەقامەکان و ترافیکەکان بێت ، لەنزیکەوە چاودێر دەبین بۆ ڕزگارکردنی ئەوانەی لەڕاستیدا نەبوون و کەمدەرامەتن"
دوای ئەوەی هاوڵاتیەک پۆستێکی کردبوو لە تۆڕی کۆمەڵایەتی فەیسبوک لەسەر کێشەی هاوڵاتیەکی خاوەن پێداویستی تایبەت دوابەدوای پۆستەکەی دەست بەجێ بەڕێز بێستوون جەبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت ،بۆ بەدواداچوون سەردانی شوێنی کارەکەی دەکات.
بەڕێوەبەری گشتی ڕایدەگەیەنێت ڕۆژی دووشەممە لیژنە دەنێرینە ماڵەوەیان و هەرپێویستیەکی هەبێت بەپێی توانا بۆیان جێ بەجێ دەکەین، پێمان وتن نابێت ئەم خاوەن پێداویستیە بەو جۆرە مامەڵەی پێوە بکرێت، چونکە یاسا مافەکانی دیاری کردوە و هەر یاساش پارێزەرێتی، وەسوپاسی ئەو بەرێزانەش دەکەین کەپەرۆشن بۆ چارەسەرکردنی ئەم جۆرە کەیسانە و هاوکارمانن.
|