ڕۆژی چوارشەممە ، 3ـی تەمووزی2024، بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت ،پێشوازی کرد لە تۆڕی (بەڵێ ئێمەدەتوانین بۆ کەسانی کەمئەندام)  کە پێکهاتبوون لە بەڕێزان ئەحمەد یەحیا سەرۆکی کۆمەڵەی ڕۆژ و فوئاد عەبدوڵڵا سەرۆکی ڕێکخراوی شیاو بۆ پەرەپێدانی توانای گەنجان و هاوڵاتیانی خاوەن پێداویستی تایبەت.

ئامانجی سەردانەکەیان بۆ ناساندنی تۆڕی ناوبرا و پێشکەش کردنی پڕۆژەیەک بۆ بەتواناکردنی ڕێکخراوە کەمئەندامیەکانی سنوری پارێزگای سلێمانی و هەماهەنگی زیاتر لەنێوان هاوڵاتیانی خاوەن پێداویستی تایبەت و ڕێکخراوەکان ،بەشێکی تر دانیشتنەکە دروستکردنی پاکێجێک بوو لەنێوان بەڕێوەبەرایەتی گشتی و تۆڕی ناوبراو بۆ خزمەتکردن بەهاوڵاتیانی خاوەن پێداویستی تایبەت.

بەڕێوەبەری گشتی دەستخۆشی لێکردن و پشتیوانی خۆشی بۆ هەرهەوڵ و پڕۆژەیەک دووپاتکردەوە کەخزمەت بەهاوڵاتیانی خاوەن پێداویستی تایبەت بکات.