ئەمڕۆ چوارشەممە، 26ـی حوزەیرانی2024، بە ئامادەبوونی‌ بەڕێزان د.هەڤاڵ ئەبوبەکر، پارێزگاری‌ سلێمانی‌‌ بێستون جەبار بەڕێوەبەری‌ گشتی‌ چاودێری‌‌و گەشەپێدانی‌ کۆمەڵایەتی‌ لەپارێزگای‌ سلێمانی‌ بەوەکالەت،د.محسین ئەدیب بەڕێوەبەری گشتی ڕۆشنبیری و هونەری سلێمانی، بەشی ڕۆشنبیری منداڵانی سلێمانی ڕێکیخستبوو، گفتوگۆیەک(پانێڵ)ێکی‌ بۆ چەند لایەنێکی‌ پەیوەندیدار بە بەپرسی‌ منداڵان ڕێکخست.

لەو گفتوگۆیەدا، وێڕای‌ وتەی‌ بەڕێزان  پارێزگاری‌ سلێمانی‌ و بەڕێوەبەری گشتی ڕۆشنبیری و هونەری سلێمانی ئەم تەوەرانە گفتوگۆکران:

یەکەم: کاریگەری ڕیکلامی کەناڵەکانی میدیا لەسەر  منداڵ، کە لەلایەن بەڕێز د.دیاری حامد، مامۆستا لە زانکۆی‌ سلێمانی‌ خرایە ڕوو.

دووەم: دەق و وێنە لەگۆڤاری منداڵاندا.، کە لەلایەن بەڕێز م.یاسین سەرنوسەری گۆڤاری پەپولە.

سێیەم: بایەخی کات و ناوەڕۆک لە پڕۆگرامی منداڵاندا لەکەناڵەکانی تیڤی کە لەلایەن بەڕێز د.یۆهان  عوسمان، مامۆستای زانکۆ خرایە ڕوو.

چوارەم: ڕۆڵی پەروەردەی هونەر لە ژیانی منداڵانداو چۆنیەتی پێشخستنی  کە لەلایەن بەڕێز د.جەواد نیعمەت، سەرۆکی بەشی پەروەردەی هونەر لە زانکۆی بنەڕەت خرایە ڕوو.

پێنجەم: کاریگەری میدیا لەسەر  ناوەندە پەروەردەیەکان لەلایەن م.تارق نەجیب سەرپەرشتیاری گشتی قوتابخانەکان خرایە ڕوو.

لە سیمینارەکەدا، هێندێک ئامارو داتای‌ و ڕێنمایی پێویست تایبەت بە بابەتی پەروەردەیی منداڵ خرانە ڕوو ،  کە بەهۆیانەوە دەتوانرێت سود لە میدیا ببینرێت، ئەو ڕێگایانەی‌ خرانەڕوو کە بەهۆیانەوە دەکرێت سنورێک بۆ میدیا دابنرێت‌و حاڵەتەکانی‌ توندوتیژی  کەم بکرێنەوە، بەتایبەت لەو بارەیەوە ڕونکرایەوە پێویستە سەرجەم ئەو لایەنە حکومی‌‌ و ناحکومییانەی‌ کار دەکەن بۆ ڕووبەڕووبوونەوە.

ئەم گفتوگۆکراوەیە، بەشێک بوو لە چالاکییەکانی‌ بەڕێوەبەرایەتی گشتی ڕۆشنبیری و لاوان کە لەلایەن  بەشی ڕۆشنبیری منداڵانی سلێمانی‌ ڕێکخرابوو.