ئەمڕۆ پێنجشەممە، 13ـی حوزەیرانی 2023، لە مەڕاسیمێکی شایستەدا و بەئامادەبوونی بەڕێزان کوێستان موحەممەد وەزیری کارو کارو کاروباری کۆمەڵایەتی ، د.هەڤاڵ ئەبوبەکر پارێزگاری سلێمانی، بێستون جەبار بەڕێوەبەری گشتی چاودێری و گەشەپێدانی کۆمەڵایەتی سلێمانی بەوەکالەت ،شەرف حاجی ڕەسوڵ خاوەنی کۆمپانیای سەفرە.30 کورسی کارەبایی بەسەر 30هاوڵاتی خاوەن پێداویستی تایبەت دابەشکرا. 

لەدەستپێکی مەڕاسیمەکەدا پارێزگاری سلێمانی سوپاسی هەریەک لە بەڕێزان شەریفی حاجی ڕەسوڵی کرد بۆ دابین کردنی کورسیە کارەبایەکان و بەڕێوەبەری گشتی کە بە پشتیوانی وەزیری کارو کاروباری کۆمەڵایەتی هەماهەنگی ڕێکخراوو کەسایەتیە خێرخوازەکان هەمیشە ڕۆڵی بەرچاوی لە هاوکاریکردنی خەڵک بینیوە.

دواتر بێستون جەبار وتەیەکی پێشکەش کردو سوپاسی خاتوو کوێستان موحەممەد  وەزیری کارو کاروباری کۆمەڵایەتی کرد لە پشتگیری بەردەوامی بۆ هەژاران و هاوڵاتیانی خاوەن پێداویستی تایبەت لە سلێمانی هەروەها سوپاسی خاوەنی کۆمپانیای سەفرەی کرد کە لە مانگی پیرۆزی ڕەمەزاندا بە پێنج هەزار پاکێج هاوکاری هاوڵاتیانی کەمدەستی کرد و ئەمڕۆش بە 30 کورسی کەمئەندامی هاوڵاتیانی خاوەن پێداویستی تایبەتی بۆ جەژنی قوربان بەسەر کردەوە و دڵنیایی دا بەردەوام دەبن لەهەوڵەکانیان بەهاوکاریخێرخوازان.

لەکۆتاییدا خەڵاتی ڕێزلێنان لەلایەن وەزیری کارو کاروباری کۆمەڵایەتی و پارێزگاری سلێمانی پێشکەش بە بەڕێز شەریف حاجی ڕەسوڵ خاوەنی کۆمپانیای سەفرە کردو کورسیەکان پێشکەش بە هاوڵاتیانی خاوەن پێداویستی تایبەتی ئامادەبوو کرا.