لەپای ماندوبوونیان و هاوکاری کردنی پرۆژەی (یەکسانی لەسەر بنەمای جۆری کۆمەڵایەتی و بەھێز کردنی ژنان) ڕێزلێنان بەخشرایە سێ بەرپرسی نەخۆشخانەی ژنان و منداڵبوونی سلێمانی.
ڕۆژی سێشەممە،16ـی نیسانی2024، بەڕێز خاتوو شیراز ئیسماعیل ، سەرپەرشتیاری (پرۆژەی یەکسانی لەسەر بنەمای جۆری کۆمەڵایەتی و بەھێز کردنی ژنان) سلێمانی، بەیاوەری بەڕێزخاتوو سۆزان ئەبوبەکر بەڕێوەبەری حاڵەت ، سەردانی نەخۆشخانەی ژنان و منداڵبوونی سلێمانی کرد.
مەبەستی سەردانەکە ڕێزلێنان بوو لە هەریەک لە بەڕێزان دکتۆرە شلێر فایەق بەڕێوەبەری نەخۆشخانەی ژنان و منداڵبوونی سلێمانی و خاتوو پاکیزە علی غفور بەڕێوەبەری کارگێڕی ، خاتوو شلێر ڕەسوڵ سەرۆکی پەرستاران ، لە پای یارمەتیدان و ھاوکاری کردنی تیمی پرۆژەی یەکسانی لەسەر بنەمای جۆری کۆمەڵایەتی لە بڵاو کردنەوەی ھۆشیاری کۆمەڵایەتی و دەرونی و یاسایی لە نەخۆشخانەی ژنان و مناڵبوونی سلێمانی.
پڕۆژەی (یەکسانی لەسەر بنەمای جۆری کۆمەڵایەتی و بەهێز کردنی تواناکانی ژنان) پڕۆژەکە بە پشتیوانی دارایی رێکخراوی (UNFPA) و سەرپەرشتی بەڕێوەبەرایەتی گشتی، یەکێک لە پڕۆژە گرنگ و کاریگەرەکانی سنوری کاری بەڕێوەبەرایەتی گشتییەو لە ماوەی‌ڕابردوودا خزمەتێکی گەورەی بە پرسی ژنان و خیزان کردووە.
|