کەمئەندانمان بۆ زیادکردنی مووچەکانیان گردبوونەوە.
بێستون جەبار :- " پشتیوانی داوای هاوڵاتیانی خاوەن پێداویستی تایبەتین و خەمی کەمئەندامان بەخەمی خۆمان دەزانین"
ئەمڕۆ سێشەممە ، 7ـی ئـــایـــاری2024 ، هاوڵاتیانی خاوەن پێداویستی تایبەت بۆ زیاد کردنی مووچەکانیان لە بەردەرکی سەرای سلێمانی گردبونەوە.
بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت ،سەردانی گردبونەوەکەی کردو گوێی لە داواکانیان گرت و چی پێویست بێ بۆ پشتیوانی ئەوان ئامادەیی دەربڕی.
بەڕێوەبەری گشتی بەوەکالەت بە سایتی فەرمی بەڕێوەبەرایەتی گشتی ڕاگەیاند" ئەمڕۆ سەردانی گردبونەوەکەمان کرد تا لە داواکانیان گوێبیست بین وە داوای هاوڵاتیانی خاوەن پێداویستی تایبەت ڕەوایەو پشتیوانی داواکانیانین لە زیاد کردنی مووچەو تۆمار کردنیان و خەمی ئەوان بەخەمی خۆمان دەزانین"
بەڕێوەبەری گشتی بەوەکالەت وتیشی " بەڕێز خاتوو کوێستان موحەمەد وەزیری کارو کاروباری کۆمەڵایەتی هەوڵەکانی چڕکردۆتەوە کە لەڕێگەی سەرۆکایەتی ئەنجومەنی وەزیران کاری جدی کراوە بۆ تۆمارکردنی کەمئەندامی نوێ و هاوتاکردنی مووچەکانیان لەگەڵ حکومەتی عێراق و دڵنیای دەدەین هەموو ئەوگرفتانەی هەیە کاری بۆدەکەین"
لەسنوریکاری بەڕێوەبەرایەتی گشتی زیاتر لە 21000 کەمئەندام تۆمارن و پاش ڕێکەوتنی حکومەتی هەرێمی کوردستان و حکومەتی فیدراڵی عێراق کار دەکرێت بۆ تۆمارکردنی هەموو ئەوانەی کە تۆمار نەکراون.