بەڕێوه‌به‌ری گشتی بەوەکالەت سەرپەرشتی کۆبونەوەی ئەنجومەنی دیوانی بەڕێوەبەرایەتی گشتی کرد.
"جەخت لەسەر پابەند بوون بە دەوامی فەرمی و ئەدایکارکردن وهەڵس‌و كه‌وت به پێی یاساو ڕێنمایی كرایه‌وه"
ڕۆژی یەکشەممە،25ـی شوباتی 2023، به‌ڕێز بێستون جەبار ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌لایه‌تی له‌پارێزگای سلێمانی بەوەکالەت، بە ئامادەبوونی بەڕێزان ،شارەزای دارایی و به‌ڕێوه‌به‌ری كارگێڕی دیوان، سەرپەرشتیاری پەروەردەیی، بەرپرسی بەش و هۆبەکان ، سەرپەرشتی کۆبونەوەی ئەنجومەنی دیوانی بەڕێوەبەرایەتی گشتی کرد.
له‌و كۆبوونه‌وه‌یه‌دا به‌ڕێز به‌ڕێوه‌به‌ری گشتی سوپاس‌و ده‌ستخۆشی ئاراسته‌ی بەرپرسان و کارمەندان کرد كه زۆر به كارایانه ئه‌ركی سه‌رپه‌رشتی‌‌و چاودێری‌‌و به‌دواداچوونی كاری دامه‌زراوه حكومی‌‌و ناحكومییه‌كان ڕاده‌په‌ڕێنن، وە جەختی لە چاککردنی كه‌م‌و كورتیەکان کردەوە بەتایبەت ئەو ئەرکانەی بەهۆی ڕێکخستنەوەی دەوام چارەسەر دەبن .
هەروەها بەڕێز بەڕێوەبەری گشتی بنه‌ما سه‌ره‌كییه‌كانی كاری دامەزراوە کۆمەڵایەتیەکان وه‌بیری ئاماده‌بووان هێنایه‌وه كه بریتین له كاركردن به پێی بنه‌ماكانی (یاساو ڕێنماییه‌كان)و به‌دیهێنانی دادگه‌ری‌‌و یه‌كسانی له ڕاپه‌ڕاندنی ئه‌ركه‌كان‌و پاراستنی مافی سودمه‌ندان.
هه‌ر له‌و كۆبوونه‌وه‌یه‌دا گفتوگۆی چەند تەوەرێک کرا کە خۆی لە پلانی کارکردن پاند بوون بە کاتەکانی دەوام وپابەند بوون بە پلەبەندی وەزیفی.
|