ئەمڕۆ دووشەممە، 11ـی کانونی یەکەمـی/2023 بە سەرپەرشتی بەڕێز فواد صدیق ڕاوێژکاری وەزارەتی کارو کاروباری کۆمەڵایەتی ، ئامادەبوونی بەڕێزان بەڕێوەبەرانی گشتی چاودێری و گەشەپێدانی کۆمەڵایەتی (سلێمانی، گەرمیان ، هەڵەبجە) سەرپەرشتیاری گشتی منداڵپارێزی کوردستان ، بەڕێوەبەری پۆلیسی نەوجەوانان و ژمارەیەک لە ئەندامانی ئەنجومەنەکە لە دیوانی وەزارەت کۆبونەوەی ئەنجومەنی پاراستنی منداڵی ئیشکەر بەڕێوەچوو.

سەرەتا ڕێکخراوی منداڵپارێزی کوردستان کارو چالاکیەکانی لیژنەی چاودێری و پاراستنی منداڵی ئیشکەر لە ساڵی 2023ـی پێشکەش کرد ، دواتر ئەنجومەنەکە گفتوگۆی چڕی لەسەر پلانی ساڵی 2023ـی کرد. تیایدا بەرنامە دانرا چەند هەنگاوێکی پێویست بنرێت بۆ ئەوەی بتوانرێت بە شێوازێکی ئەرێنی پێشیلکاریەکان بەرامبەر منداڵان ڕابگیرێن و ئاماده‌بووانی‌ كۆبوونه‌وه‌كه‌ كۆكبوون له‌سه‌ر پلانێکی گونجاو ڕێگه‌چاره‌ی پێویست بۆ ئەو مەبەستە.

کۆبونەوەکە لەسەر ڕۆشنایی  پڕۆژەی (چاودێری کردن و پاراستنی منداڵانی ئیشکەر)بوو کە ڕێکخراوی منداڵ پارێزی کوردستان بەسەرپەرشتی وەزارەتی کارو کاروباری کۆمەڵایەتی جێبەجێی دەکات .

پڕۆژەکە لە دووبەش پێک هاتووە، بەشێکی تایبەتە بە منداڵانی سەرشەقامەكان کە ڕێکخراوی منداڵپارێزی کوردستان بەهاوبەشی بەڕێوەبەرایەتیە گشتیەکان و بەڕێوەبەرایەتی پۆلیسی نەوجەوانان ،جێبەجێ دەکرێت بۆ ئەوەی  پێكەوە كاربکرێت بۆ دوورخستنەوەی ئەو منداڵانەی لەسەر شەقامەكان بڵاوبونەتەوە دواتر لەلایەن تیمێکی توێژەری پسپۆڕەوە بەدواداچوون بۆ سەرپەرشتیاری كەیسەکان لەگەڵ سەرپەرشتیارەكانیان بکرێت.