بەڕێوەبەری گشتی تابلۆی ڕێزلێنانی بەخشیە سەرۆک و ئەندامانی ئەنجومەنی پارێزگای سلێمانی.
ئەمڕۆ یەکشەممە ، 8ـی تشرینی یەکەمـی /2023، بەڕێز م. ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی سلێمانی سەردانی سەرۆکایەتی ئەنجومەنی پارێزگای سلێمانی کردو لەلایەن بەڕێز ئازاد حەمەئەمین سەرۆکی ئەنجومەنی پارێزگای سلێمانی پێشوازی کران.
ئامانجی سەردانەکە پێدانی تابلۆی ڕێزلێنان بوو بە سەرۆک و ئەندامانی ئەنجومەنی پارێزگای سلێمانی لەپای خزمەتەکانیان لە نۆ ساڵی ڕابردوودا وەک نوێنەرانی دانیشتوانی پارێزگای سلێمانی و پاڵپشتیان لە ماوەی ڕابردوودا لە دامەزراوە کۆمەڵایەتیەکان و دانیشتوانی سلێمانی .
لەبەرامبەردا بەڕێز سەرۆکی ئەنجومەنی پارێزگای سلێمانی سوپاسی بەڕێوەبەرایەتی گشتی کرد و هەموو ئەوەی کردویانە وەک ئەرکی خۆیان باسی کرد .
|