بەمەبەستی بەرەوپێشچوونی کارو چالاکیەکانی سەنتەرەکانی پاراستنی منداڵان ، ئەمڕۆ یەکشەممە ، 12ـی ئـــاداری 2023، بە ئامادەبونی بەڕێزان ، نوێنەری وەزیری کارو کاروباری کۆمەڵایەتی ، م.ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، بەڕێوەبەرانی گشتی( دهۆک،هەڵەبجە، گەرمیان) بەرپرسانی سەنتەرەکانی پاراستنی منداڵان ،ژمارەیەک لە ڕێکخراو و لایەنی پەیوەندیدار ، رێکخراوی یونسێف ،لەژێر سەرپەرشتی وەزارەتی کار و کاروباری کۆمەڵایەتی ، وۆرک شۆپی ڕاوێژکاری پاکێجی خزمەت گوزاریەکان لە سەنتەری پاراستنی منداڵان ، لە ئۆتێل ڤان ڕۆیاڵ بەڕێوەبرد.

وۆرک شۆپەکە بەوتەی بەڕێز دکتۆر شێرزاد ،نوێنەری وەزیری کار دەستی پێکرد ، تیایدا ئاماژەی بە گرنگی ڕۆڵی سەنتەرەکان دا لە پاراستن و بەرەو پێش چوونی تواناکانی منداڵان.

دواتر بەڕێوەبەری گشتی دهۆک و نوێنەری ڕێکخراوی یونسێف ، نمونەیەک لە پاکێجی خزمەتگوزاریەکانی سەنتەری پاراستنی منداڵانی دهۆک پێشکەش کرد.

پاشان بەشداربوان تاوتوێی گیروگرفت و ئاستەنگەکانی بەردەم سەنتەرەکان لەبەڕێوەبردن و پڕۆگرامدا کرد و ڕاو پێشنیار و پلانی ئایندەیان بۆ پێشخستنی خزمەتگوزاریەکان پێشکەش کرد .