بەڕێوەبەری گشتی ڕێز لە ڕێکخراوی شاهەنگ دەنێت.
ئەمڕۆ یەکشەممە، 12ـی شوباتـی2023، بەڕێز م.ئیسماعیل ڕەشید ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی لە پارێزگای سلێمانی ، لە دیوانی بەڕێوەبەرایەتی گشتی ، بە ئامادەبوونی بەڕێزان فەرەیدون عەزیز و بێژان قادر لە یەکەی پاراستنی منداڵ ، پێشوازیان کرد لە خاتوو ئاهەنگ جەواد بەرپرسی ڕێکخراوی شاهەنگ و ڕێزلێنانی پێشکەش کردن لە بەرامبەر هاوکاریەکانی ڕێکخراوی ناوبراو لە دوو ساڵی ڕابردودا بۆ منداڵانی ئاوارە و خانەخوێ لە ڕێگەی یەکەی پاراستنی منداڵانی سەر بە بەڕێوەبەرایەتی گشتی.
به‌ڕێز به‌ڕێوه‌به‌ری گشتی ئامانجی ڕێزلێنانەکەی ڕوونكرده‌وه وكارەکانی ڕێکخراوە خێرخوازیەکان بەتایبەت ڕێکخراوی شاهەنگ بە گرنگ وەسف کردوو ، ڕایگەیاند چالاكی و هاوکاریەکانی خزمەتێکی گەورە بە منداڵان دەکات و هه‌روه‌ك جه‌ختی كرده‌وه كه به‌ڕێوه‌به‌رایه‌تی گشتی پشتیوانی خۆی بۆ هەر هەنگاوێکی لەوجۆرە دووپات ده‌كاته‌وه و سوپاسی کردن و هیوای بەردەوامی بۆ خواستن .
لەبەرامبەردا ڕێکخراوی ناوبراو سوپاسی بەڕێوەبەرایەتی گشتیان کرد و داوایان کرد هەماهەنگی نێوان هەردولا لەو بوارەدا بەردەوامی هەبێت.
|