ئەمڕۆ یەکشەممە، 29ـی کانوونی دووەمی2023 ، بەسەرپەرشتی بەڕێز د.فوئاد صدیق ، سەرۆکی ئەنجومەن و سەرجەم ئەندامانی ئەنجومەن و نوێنەرانی باڵای سندوقی نەتەوەیەکگرتوەکان بۆ منداڵ (UNCEF) کۆبونەوەی ئەنجومەنی باڵای پاراستنی مافی منداڵ بەڕێوەچوو.

لەکۆبونەوەکەدا وێڕای جەخت کردنەوە لەسەر جێبەجێ کردنی بڕیارەکانی کۆبونەوەی یەکەم،ژمارەیەک تەوەری گرنگ گفتوگۆی لەبارەوە کرا کە خۆی لە کارکردن لە ناو کەمپی ئاوارەکان و برەودان بە یەکەی پاراستنی منداڵ لە بەڕێوەبەرایەتیە گشتیەکان بەهەماهەنگی سندوقی نەتەوەیەکگرتوەکان بۆ منداڵ(UNCEF)، هەروەها دانانی میکانزمی کارکردن لەگەڵ نوێنەرانی پارێزگاکان و منداڵانی ئیشکەر دەبینیەوە.

هەریەک لە بەڕێزان م. ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی و ئاراس ناصر، بەرپرسی پارێزگاری خێزان، دۆخی منداڵانی ئاوەرەو خانەخوێی و ڕێژەی منداڵانی ئیشکەریان لە پارێزگای سلێمانی بۆ ئامادەبووان ڕوون کردەوە و داوایان کرد هەرچی زووە چارەسەری پێویست بۆ گرفتەکان بدۆزرێتەوە تا خزمەتی زیاتر بە پارێزگاکە بکرێت.

ئەنجوومەنی باڵای پاراستنی مافەكانی منداڵ یەكێكە لە باڵادەستترین لایەنی راویژكاری و پلاندانانی بواری كاری منداڵان لەسەر ئاستی كوردستان بە سەرپەرشتی وەزارەتی كارو كاروباری كۆمەڵایەتی و ئەندامیەتی سەرجەم وەزارەت و دەستە و فەرمانگە پەیوەنیدارەكانی بواری منداڵان ، لە پێناو پاراستنی بەرژەوەندی و مافەكانی منداڵان و هەماهەنگی سەرجەم لایەنەكان لەم بوارە دامەزراوە.