خاتوو کوێستان محەمەد :- "داوای لێبوردن لە هەموو ئەو خانەوادە و ماڵە کەم دەست و خاوەن پێداویستیە تایبەتانە دەکەین کە بەهۆی سەرمای زستان و دابەزینی پلەکانی گەرما ئازار بچێژن نەمانتوانیبێ وەک پێویست بەدەمیانەوە بچین و هەوڵەکانمان بۆ ئەو مەبەستە بەردەوامی هەبووە و بەردەوامی دەبێت"

ئەمڕۆ چوارشەممە ، 8ـی شوباتـی 2023 ، لەسەر داوای خاتوو کوێستان محەمەد ، وەزیری کار و کاروباری کۆمەڵایەتی ، کۆمپانیای کار نەوتی سپی لە هەرسێ پارێزگاکەی هەرێمی کوردستان بە سەرپەرشتی وەزارەتی کار و کاروباری کۆمەڵایەتی دابەش کرد ، کە بڕی 500هەزار لیتر لە سنوری پارێزگاکانی سلێمانی و هەڵەبجە و ئیدارەی گەرمیان بەسەر هاوڵاتیانی خاوەن پێداویستی تایبەت و هەژاراندا دابەش کرا.

بەڕێز خاتوو کوێستان محەمەد ، بۆ ماڵپەڕی فەرمی بەڕێوەبەرایەتی گشتی لێدوانی داو وتی " لەگەڵ دابەزینی پلەکانی گەرمادا ویژدانمان ڕێگەی نەداین ئازاری هەژاران و کەم دەرامەت و خاوەن پێداویستیە تایبەتەکان ببینین وهەر زوو داوامان کرد خێرخوازان و چاکەکاران بەدەم هەژارنەوە بچن و بەخۆشحاڵیەوە کۆمپانیای کار بەدەم داواکەمان هاتوو بە سەرپەرشتی وەزارەتی کار و کاروباری کۆمەڵایەتی نەوتی سپی بۆ 1000 خانەوادە دابین کرا"

لە بەشێکی تری لێدوانەکەیدا کە ئایا دابەش کردنی نەوت بەردەوامی دەبێت؟ بەڕێز وەزیری کار ووتی "ئێمە داوای لێبوردن لە هەموو ئەو خانەوادە و ماڵە کەم دەست و خاوەن پێداویستیە تایبەتانە دەکەین کە بەهۆی سەرمای زستان و دابەزینی پلەکانی گەرما ئازار بچێژن نەمانتوانیبێ وەک پێویست بەدەمیانەوە بچین و هەوڵەکانمان بۆ ئەو مەبەستە بەردەوامی هەبووە و بەردەوامی دەبێت ،سوپاسی کۆمپانیاکانی کار و قەیوان و بەڕێز کاک مەریوانی حاجی جەمال هەموو ئەو کەس و دەزگا و ڕێکخراوانە دەکەین کە داوامان لێکردن ڕاستەوخۆ بەدەم داواکەمان هاتن و نەوتیان بەسەر هەژاران و هاوڵاتیانی خاوەن پێداویستی تایبەت دابەش کرد ، سوپاسی هەموو ئەوانە دەکەم توانیویانە ماڵێک گەرم بکەنەوە و بەهیواین کێشەی دابەش کردنی سوتەمەنی بەزووی چارەسەر بکرێت"