ئیسماعیل ڕەشید: " پێویستە سەرجەم کۆمەڵگەکانی نیشتەجێبوون لەکاتی کردنەوەیدا دایەنگەیەکی حکومی ستاندارد وەک هەموو خزمەت گوزاریەکی تر دابین بکات بۆ ڕەخساندنی هەلی کار و ئاسانکاری بۆ هاوڵاتیان"

ڕۆژی دووشەممە ، 23ـی کانوونی دووەمی2023، بە ئامادەبوونی نوێنەری فەرمانگەی هەماهەنگی و بەدواداچوون و سەرجەم بەڕێوەبەرانی گشتی چاودێری و گەشەپێدانی کۆمەڵایەتی لە (سلێمانی،هەولێر،دهۆک،هەڵەبجە، گەرمیان ،سۆران، زاخۆ) ، کۆبونەوەیەکی تایبەت بە گرفتی دایەنگە حکومی و ناحکومیەکان ، لە دیوانی وەزارەتی کارو کاروباری کۆمەڵایەتی بەڕێوەچوو.

لە کۆبونەوەکەدا سەرجەم ئەو کێشەو گرفتانە باسکران کەپێویستە بەزووی چارەسەری پێویستیان بۆ بدۆزرێتەوە، هەروەک ژمارەیەک ڕاو پێشنیار خرانە بەر باس و گفتووگۆ بۆ بەرەوپێشچوونی زیاتری دایەنگە حکومی و ناحکومیەکان.

بەڕێز م. ئیسماعیل ڕەشید ، بەڕێوەبەری گشتی چاودێری و گەشەبێدانی کۆمەڵایەتی سلێمانی کە ئامادەی کۆبونەوەکەبوو، جێبەجێ کردنی ڕێنمایەکانی تابیبەت بە کردنەوەی دایەنگە لە کاتی دروست کردنی کۆمەڵگەکانی نیشتەجێبوون بەگرنگ زانی و بکرێتە مەرج تا هەلی کار بۆ دەرچوانی دانەمەزراو بڕەخسێنرێت ، هەروەها لە قازانجی هاوڵاتی پێوەرێک بۆ دانانی نرخ لەسەر دایەنگە ناحکومیەکانی پێشنیار کرد ، وە دابین کردنی زەوی بۆ دروست کردنی دایەنگەی نوێ بەپێی ژمارەی دانیشتوان لە گەڕەک و ناوچەکان تا ئاسانکاری بۆ هاوڵاتی بکرێت لەنزیکترین شوێنی نیشتەجێ بوونی ، منداڵەکانی لەدایەنگە خزمەت بکرێن.