لەپای هاوکاری و پشتیوانی بەڕێوبەرایەتی بەرەنگاربونەوەی توندوتیژی دژی ئافرەتان خەڵاتی ڕێزلێنان دەبەخشێتە بەڕێوەبەرایەتی گشتی.
لە 16 ڕۆژەی هەڵمەتی بەرەنگاربونەوەی توندوتیژی دژی ژنان دا و بە ئامادەبوونی بەڕێزان ئاراس ناصر، بەرپرسی چاودێری خێزان ، هیوا سەعید، سەرپەرشتیاری پەروەردەیی، عەمید/ سەركەوت عومەر ، بەڕێوەبەری بەرەنگاربونەوەی توندوتیژی دژی ژنان ، ژمارەیەک لەبەڕێوەبترە گشتی و کەسایەتیە ئەمنیەکان ،سەنتەری ڕاوێژكاری خێزانی سەر بەبەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان خەڵاتی رێزلێنانی پێشکەش بە ژمارەیەک كەسایەتی‌و دەزگاو لایەنانە کرد كە لەماوەی ڕابردوودا
بەهەوڵ‌و كۆشش‌و ماندوو نەناسانەیان‌و شانبەشانی بەرێوەبەرایەتی هاوكارو هەماهەنگبوون بۆ ڕووبەڕووبونەوەی توندوتیژی دژی ئافرەتان بوون.
مەراسیمەکە كاتژمێر 10:00 بەیانی ڕۆژی چوارشەممە 1ـی کانوونی یەکەمـی2022 لەهۆڵی (شەهید نەقیب محمد) لەبارەگای بەڕێوەبەرایەتی خەڵاتی بەڕێوەچوو.
سەرەتا كورتە فلمێكی دۆكیۆمێنتاری بەناوی (ماڵێك لەچۆلەكە) سەبارەت بەكاروچالاكیەكانی‌و ئەو خزمەتگوزارییانەی كە سەنتەری ڕاوێژكاری خێزانی پێشكەش بەقوربانیانی توندوتیژی دەكرێت پێشاندرا.
پاشان (عەمید/ سەركەوت عومەر ئەحمەد) بەڕێوەبەری بەرێوەبەرایەتی وتەیەكی پێشكەش بەئامادەبووان كرد.
دواتر (مقدم/ هێمن عبدالقادر) بەرپرسی سەنتەری ڕاوێژكاری خێزانی وتارێكی كورتی پێشكەش كرد.
بەدابەشكردنی خەڵاتی ڕێزلێنان بەسەر چەند كەسایەتییەك لەو كەسایەتی‌و دەزگاو لایەنانەی كە هاوكارو هەماهەنگ بوون لەگەڵ بەرێوەبەرایەتی بۆ ڕوبەڕووبونەوەی توندو تیژی لەساڵانی ڕابردوودا كۆتایی بە مەراسیمەكە هات.
هەر لەم مەراسیمەكەدا كاری دەستی ژمارەیەك لە داڵدەدراوانی ماڵی داڵدەدانی ژنانی هەڕەشە لێكراو نمایش كرا.