ئەمڕۆ ،پێنجشەممە 10ـی تشرینی دووەمی 2022 ، به‌ ئاماده‌بوونی‌ به‌ڕێزان م.ئیسماعیل ڕەشید ، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌،بێستون شەهید جەبار ،نوێنەری بەڕێز وەزیری کار و کاروباری کۆمەڵایەتی، خاتوو نوخشە ڕەسول، بەڕێوەبەری کارگێڕی ، لەتیف شێخ عەزیز ، بەڕێوەبەری چادێری کەمئەندامانی سلێمانی ،مافپەروەر،هیوا ڕەحمان، ڕاوێژکاری یاسایی، شاسوار صدیق، بەڕێوەبەری پڕۆژەی یەکسانی جێندەری و بەهێزکردنی ژنان، پاش 15 ڕۆژ وانه‌ی‌ تیۆری‌‌و ڕاهێنانی بەردەوام، خولی کاری دەستی بۆ 14 بەشداربوو كۆتایهات‌و بڕوانامه‌ی‌ به‌شداربوو به‌سه‌ر به‌شداربوواندا دابه‌شكرا.

له‌ مه‌راسیمی‌ كۆتایی‌ خوله‌كه‌دا، به‌ڕێز هیوا ڕەحمان وتەیەکی پێشکەش کردوو دەست خۆشی لە تیمی پڕۆژەی یەکسانی جێندەری و بەهێزکردنی ژنان لە بەڕێوەبەرایەتی گشتی کرد کە زۆر دڵسۆزانه‌ ئه‌ركه‌كانیان ڕاپەڕاند و هیوای خواست کچان و ژنان بە شێوەی فراوان بەشداری ئەم جۆرە ڵەخول و ڕاهێنان بکەن و هەروەک بە تایبەت دەست خۆشی لە یەکێک لەبەژداربوەکان کرد کە کەمئەندامەو توانیویەتی بەسەرکەوتوی بەشداربێت لە ڕاهێنانەکان.

پاشان بەڕێز شاسوار صدیق بەڕێوەبەری پڕۆژەی یەکسانی جێندەری ئاماژه‌ی‌ به‌ بایه‌خ‌و گرنگی‌ ئەوجۆرە خولانە کردو جه‌ختی‌ كرده‌وه‌ كه‌ پێویسته‌ بەشداربوان هه‌موو ئه‌و ڕوحه‌یان تێدا دروست ببێت كه‌ ئه‌وان به‌بێ‌ جیاوازی‌ ئامانجیانه‌ سود بە کەسانی دەوروبەریان بینن دڵنیای دا کە پڕۆژەکە بەردەوام دەبێت لە خزمەت کردنی زیاتر بە کچان و ژنانی پارێزگای سلێمانی و دۆزینەوەی هەلی کار بۆیان.

ئه‌م ڕاهێنانه‌ به‌شێكه‌ له‌ پلانی‌ ساڵانه‌ی‌ به‌ڕێوه‌به‌رایه‌تی‌ گشتی‌‌و ئه‌و گرنگیپێدانه‌ی‌ به‌ڕێوه‌به‌رایه‌تی‌ گشتی‌ هه‌یه‌تی‌ بۆ ژنان و کچان و خزمه‌تكردن به‌ خێزان‌و كۆمه‌ڵگه‌.