سه‌نته‌ری چالای پیره‌مه‌گرون،بە ستافێکی كه‌م‌و به‌رهه‌مێكی زۆر لە چالاکیەکانیان بەردەوامن.
ئەمڕۆ سێشەممە، 30ـی ئـــابـی2022، بەڕێز م ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوڕێیه‌تی به‌ڕێز ئاراس ناصر، به‌رپرسی به‌شی پارێزگاری خێزان سه‌ردانی سه‌نته‌ری چالاكی منداڵانی پیره‌مگرونی كردو له‌لایه‌ن به‌ڕێز فه‌رهاد عەبدوڵڵا و كارمه‌ندانی سه‌نته‌ره‌وه پێشوازیكرا.
له‌و سه‌ردانه‌یدا به‌ڕێز به‌ڕێوه‌به‌ری گشتی ده‌ستخۆشی له سه‌نته‌ری پیره‌مه‌گرون كرد كه له خزمه‌تێكی به‌رچاوی منداڵانی شارۆچكه‌كه‌یان سه‌ره‌ڕای ئه‌و كه‌م‌و كورتیانه‌ی كه به‌هۆی كه‌می ستاف و توانای داراییه‌وه هه‌یانه به‌ڵام به‌رده‌وام خزمه‌تێكی باشی منداڵان ده‌كه‌ن، هه‌روه‌ك ڕێنماییكردن بۆ خزمه‌تی زیاترو پاڵپشی به‌ڕێوه‌به‌رایه‌تی گشتیشی دووپاتكرده‌وه ،هیوای خواست بەردەامی بدەن بە چالاکیە جۆراو جۆرەکانیان و ژمارەیەک ڕێنمای تایبەت بە منداڵ ئاراستە کردن.
|