بەڕێوەبەری گشتی پێشوازی لە بەرپرسی سێکتەری پەروەردەیی وکۆمەڵایەتی لە دەزگایی مرۆیی (مام) دەکات
ئەمڕۆ چوارشەممە، 10ـی ئـابـی2022، به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی به ئاماده‌بوونی به‌ڕێز، ئاراس ناصر، بەرپرسی پارێزگاری خێزان، پێشوازیكرد له خاتوو ،ئاهەنگ جەواد ، بەرپرسی سێکتەری پەروەردەیی وکۆمەڵایەتی لە دەزگایی مرۆیی (مام).
له دیدارێكدا وێڕای خستنه‌ڕووی پێكهاته‌و شێوازو بواره‌كانی كاركردنی دەزگاکە، دەزگای مام ئاماده‌یی خۆیان پیشاندا بۆ هه‌ماهه‌نگی له‌گه‌ڵ به‌ڕێوه‌به‌رایه‌تی گشتی‌‌و دامه‌زراوه كۆمه‌ڵایه‌تیه‌كانی سنوری كاری به‌ڕێوه‌به‌رایه‌تی گشتی بۆ ئه‌نجامدانی پڕۆژه‌ی هاوبه‌ش له بواری خزمه‌تگوزاری كۆمه‌ڵایه‌تی‌‌و له بواری پڕۆژه‌ی بچوك‌و گه‌وره.
له به‌رانبه‌ردا به‌ڕێز به‌ڕێوه‌به‌ری گشتی، جه‌ختی له‌سه‌ر ئه‌و پڕه‌نسیپ‌و یاساو ڕێنماییانه كرده‌وه كه به‌هۆیانه‌وه له سنوری كاری به‌ڕێوه‌به‌رایه‌تی گشتی كاره‌كانی پێ ڕێكده‌خرێت، هه‌روه‌ك به‌بێ جیاوازی ئاماده‌یی خۆیانی پیشاندا بۆ پێشوازی له هه‌ر ڕێكخراوێك كه ئاستێكی باڵای پیشه‌یی‌‌و بێلایه‌نی كاربكات‌و خزمه‌تی چین‌و توێژه جیاجیاكان بكات، هه‌روه‌ك هیوای خواست دەزگای مام بەردەوام بێت لە هاوکاری کردنی بەڕێوەبەرایەتی گشتی له كاره‌كانی‌‌و له كاكردن له بواری مرۆیی‌‌و ئاوه‌دانكردنه‌وه‌ی وڵات‌و پێشخستنی هه‌رێم‌و پارێزگاكه‌ماندا، كه له‌م بوره‌دا وڵاته‌كه‌مان پێویستی به كاركردنی بێ ماندووبوونی سه‌رجه‌م دامه‌زراوه حكومی‌‌وناحکومیەکان هەیە
|