به‌رێوه‌به‌ری گشتی له‌گه‌ڵ تۆڕی گەشەپێدانی پێڕەو کۆدەبێتەوە.
م.ئیسماعیل ڕەشید:ئاستی پێشکەشکردنی خزمەتگوزاری له دایه‌نگه‌كانی پارێزگای سلێمانی گه‌یشتووه‌ته ئاستێكی زۆر دڵخۆشكه‌ر
ئه‌مرۆ سێشەممە، 9ـی ئـابــی 2022 ، بەڕێز م.ئیسماعیل ڕەشید، به‌رێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی لە پارێزگای سلێمانی بە ئامادەبوونی بەڕێز هیوا ڕەحمان ، ڕاوێژکاری یاسایی ،پێشوازی کرد لە شاندێکی تۆڕی گەشەپێدانی پێڕەو، کە پێکهاتبوون لە بەڕێزان ، حسام حکیم بەرزنجی ەڕێوەبەر لە ڕێکخراوی گەشەپێدانی ئابوری ، دڵشاد ناسراو بەڕێوەبەر لە ڕێکخراوی مرۆڤ دۆستی ، خاتوو تریفە جەلال ، چالاکەوان لە ڕێکخرای کیدۆ ، خاتوو درەخشان حسن و خاتوو لانە دلێر و خاتوو ڕاز ئەنوەر بەڕێوەبەرانی دایەنگەی ئەهلی.
له كوبونه‌وه‌یه‌كدا، به‌ڕێوه‌به‌ری گشتی له‌گه‌ڵ لێپرسراوو ئه‌ندامانی تۆڕەکە گفتوگۆی چڕیان كرد له‌سه‌ر سه‌رجه‌می ئه‌و كێشانەی ڕۆژانه ڕووبه‌ڕووی دایەنگەکان ده‌بێته‌وه و شێوازی چاره‌سه‌ركردن و مامه‌ڵه‌كردن له‌گه‌ڵ كێشه‌كان، هاوكات هه‌ردوولا جه‌ختیان له هه‌بوونی هه‌هه‌مانگی به‌رده‌وام كرده‌وه له پێناو به‌رژوه‌ندی گشتیدا.
ئامانجی سه‌ردانه‌كه‌ش، له نزیكه‌وه ئاشنابوون بوو به میكانیزمی كاركردنی هه‌ردوولاو دروستكردنی هاوكاری و هه‌ماهه‌نگی به‌مه‌به‌ستی باشتر ڕووبه‌ڕووبونه‌وه‌ی كێشه‌کانی دایەنگەکان و چاره‌سه‌ره‌كردنیان له چوارچێوه‌ی په‌یوه‌ندییه كۆمه‌ڵایه‌تی‌و یاسا به‌ركاره كۆمه‌ڵاتییه‌كان به‌و پێیه‌ی به‌ڕێوه‌به‌رایه‌تی گشتی بەرپرسە لە هەموو دایەنگەحکومی و ناحکومیەکان ده‌توانن پێكه‌وه كاربكه‌ن بۆ چاره‌سه‌ری هێندێك له كێشه‌و گرفته كۆمه‌ڵاتیه‌كانی هاووڵاتیان‌و منداڵانی دایەنگە بە گشتی له ئاستی پارێزگای سلێمانیدا .
|