ڕۆژی سێشەممە، 9ـی ئابـــی2022، به‌ ئاماده‌بوونی‌ به‌ڕێز،م.ئیسماعیل ڕەشید، به‌ڕێوه‌به‌ری‌ گشتی‌‌ چاودێری و گەشەپێدانی کۆمەڵایەتی لەپارێزگای سلێمانی و بەڕێزان
(سەفین یاسین و سیروان جەلال ) ئەندامانی مەکتەبی ڕێکخراوە دیموکراتییەکان، لە هۆڵی خاک لە شاری سلێمانی، مەراسیمی کۆتایی خولی ( پەروەردەکردنی منداڵان بە شێوەیەکی هاوچەرخ) بەڕێوەچوو.

له‌ ده‌ستپێكی‌ مەراسیمەکە ، به‌ڕێز م.ئیسماعیل ڕەشید، خۆشخاڵی‌ خۆی‌ بە توانای توێژەرانی دایەنگەکان دەربڕی و دەستخۆشی ئاراستەی ئەو ڕاهێنەرانە کرد کە وانەی خولەکەیان وتەوەو هەروەک کردنەوەی ئەو جۆرە خولانەی بە گرنگ بۆ توێژەران وەسف کرد و هیوای خواست بەردەوامیان هەبێت تا زیاتر تواناکانیان بەرەو پێش بچێت.

له‌لای‌ خۆیانه‌وه‌ ڕاهێنەرانی خولەکە سوپاسی به‌ڕێوه‌به‌ری گشتیان كرد‌و ، هیوایان خواست هەماهەنگی زیاتر لە نێوان ڕێکخراوەکانی بواری پەروەردەیی و بەڕێوەبەرایەتی گشتی هەبێت تا زیاتر خزمەت بە منداڵانی پارێزگای سلێمانی بکرێت.

لە کۆتایدا بڕوانامە بەسەر بەشداربووانی خولەکە دابەش کرا.