لەپای ڕۆڵی دڵسۆزانەو هاوکاری کردنی هاوڵاتیانی هەژارو خاوەن پێداویستی تایبەت و ماڵەکانی منداڵان، بەڕێوەەڕایەتی گشتی ڕێزلێنان دەبەخشێتە ڕێکخراوی لەیاد.
ئەمڕۆ چوار شەممە ، 29 ـی حوزەیرانـی2022، بەڕێز م. ئیسماعیل ڕەشید ، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به ئاماده‌بوونی به‌ڕێز سۆران سەعید ، بەرپرسی پلان و بەدواداچون ، لە دیوانی بەڕێوەبەرایەتی گشتی پێشوازی کرد لە بەڕێز ڕێکەوت حامد، بەرپرسی ڕێکخراوی لەیاد.
لە دیدارێکدا هەردولا گفتوگۆیان کرد سه‌باره‌ت بە كارو چالاكییه‌كانی ڕێکخراوی لەیاد و کاری پێکەوەی زیاتر لەنێوان هەردولا ، له‌و باره‌یه‌وه جه‌ختیان له‌سه‌ر هه‌ماهه‌نگی‌‌و یه‌كخستنی تواناكان كرد بۆ خزمه‌تی هاووڵاتیانی خاوه‌ن پێداویستی تایبه‌ت و منداڵانی بێ سەرپەرشت و هەژاران و باشتركردنی ژیان‌و گه‌شه‌پێدانی تواناکانیان.
له به‌رانبه‌ردا به‌ڕێز بەڕێوەبەری گشتی، سوپاسی تایبه‌تی خۆی ئاراسته‌ی سه‌رۆكی ڕێکخراو کرد بۆ ئەو هاوکاریانەی لە ماوەی ڕابردودا پێشکەش بە هەژاران و منداڵانی بێ سەرپەرشت و هاوڵاتیانی کەمدەرامەت و خاوەن پێداویستی تایبەت کردویانە و ڕێزلێنانیان پێ بەخشرا ، هه‌روه‌ك وتی :" ئه‌وه‌ی ئێوە ئه‌نجامتانداوه شایەنی ڕێزە " پێویسته هه‌موولا بیر له هه‌ماهه‌نگی زیاترو كاری پێكه‌وه بكه‌ینه‌وه‌و كه‌س ناتوانێت فریادڕه‌س بێت به‌ته‌نها‌و هه‌ر كارێكی سه‌ركه‌وتوو ئه‌نجامدرابێت به‌رهه‌می كاركردنه به تیم‌و ده‌ستكه‌وته بۆ دامه‌زراوه‌ی كۆمه‌ڵایه‌تی‌‌و خه‌ڵكی پارێزگای سلێمانی"
|