"هیوا ڕەحمان : پێویستە خاوەن پڕۆژە و کۆمپانیاکان ڕێژەیەک لە کەسانی کەمئەندام دابمەزرێنن."
سلێمانی / بە ئامادەبونی نوێنەری بەڕێوەبەری گشتی کۆنفرانسی ( هەنگاوێک بۆ یەکسانی) بەڕێوەچوو.
ڕۆژی شەممە، ڕێکەوتی ،21ـی ئـایــارـی2022، بە ئامادەبوونی بەڕێزان خاتوو ڕێواز فایەق ، سەرۆکی پەرلەمانی کوردستان ، هیوا ڕەحمان ، نوێنەری بەڕێز بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، سەرۆکی ئەنجومەنی پارێگای سلێمانی و بەرپرسانی حکومی و حزبی و ڕێکخراوەیی ، ئەکادیمیای ژنان بۆ سەرکردایەتی عێراق بە هاوکاری ڕێکخراوی مێدی ئەمریکی کۆنفرانسی کۆتایی کارو چالاکیەکانی لە ژێر ناونیشانی ( هەنگاوێک بۆ یەکسانی) لە هۆڵی هۆتێل تایتەنیک بڕێوەچوو.
له كۆنفرانسه‌كه‌دا نوێنەری بەڕێز بەڕێوەبەری گشتی بابەتێکی پێشکەش کرد و تیشکی خستە سەر دیدگه و ستراتیژی وەزارەتی کارو کاروباری کۆمەڵایەتی و چۆنیەتی هەوڵدان بۆ جێبەجێ کردنی یاسای ماف و ئیمتیازاتی کەمئەدامان و خاوەن پێداویستی تایبەت کە پێویستە خاوەن پڕۆژەو کۆمپانیاکان ڕێژەیەک لە کەسانی کەمئەدام دابمەزرێنن.
پاشان لە پانێڵێکی تردا سەرۆکی پەرلەمان ژیانی خۆی وەک نمونە باس کرد لە چۆنیەتی بون بە سەرۆکی پەرلەمان و هەوڵی ژنانی لە بوون بە سەرکردە بە ئەستەم نەزانی و ڕایگەیاند ئافرەتانیش وەک پیاوان دەتوانن لەو بوارەدا ڕۆڵ بگێڕن.
لە کۆتایدا ئامادەبوان ڕاو پێشنیاری ۆیان سەبارەت بە پرسەکە خستە ڕوو هەروەک كۆنفرانسه‌کەیان بە دەرفەتێک بینی بۆ ژنان و ئافرەتان، تا له‌ڕێگه‌ی بیرۆكه و به‌رهه‌مه هزرییه‌كانیانەوە ده‌ستنیشانی كێشه‌كان بكه‌ن و پێشنیازی گونجاو پێشكه‌ش بكه‌ن. هه‌روه‌ها هه‌لێك بۆ کەرتی تایبەت و گشتی بڕەخسێنێت.
|