ئەنجومەنی دیوانی به‌ڕێوه‌به‌رایه‌تی گشتی سێ یەم کۆبونەوەی خۆی به‌ڕێوه‌برد.
ئەمڕۆ یەکشه‌ممه، 15ـی ئـایـارـی2022، به سه‌رپه‌رشتی به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، ئامادەبوونی سەرجەم بەرپرسانی بەش و هۆبەکانی دیوانی بەڕێوەبەرایەتی گشتی، ئه‌نجومه‌نی دیوانی به‌ڕێوه‌به‌رایه‌تی گشتی سێ یەم كۆبوونه‌وه‌ی ئاسایی خۆی به‌ڕێوه‌برد.
ته‌وه‌ری سه‌ره‌كی كۆبوونه‌وه‌كه بریتبوو له: ١ـ وتەی بەڕێوەبەری گشتی لەبارەی گرنگترین کارو چالاکییەکانی ۳ مانگێکی ڕابردوو و هه‌ڵسه‌نگاندن بۆیان. ٢ـ دەرخستەی بەش و هۆبەکانی دیوانی بەڕێوەبەرایەتی گشتی و داواکاریەکانیان. ٣ـ خستەنەڕووی ئاستی جێ بەجێکردنی کارو بەرنامەو پلانی بەرپرسیارو بەش و هۆبەکان٤- بەرهەمی سەردان و چاوپێکەوتنەکانی بەڕێز بەڕێوەبەری گشتی ٥- ڕێکخستنەوی دەوامی فەرمانبەران و کارمەندان.
له سه‌ره‌تای كۆبوونه‌وه‌كه‌دا به‌ڕێز به‌ڕێوه‌به‌ری گشتی سوپاسی ئاماده‌بووان و سه‌رجه‌م كارمه‌ندان و به‌رس و كارمه‌ندانی سنوری كاری به‌ڕێوه‌به‌رایه‌تی گشتی كرد كه له‌ماوه‌ی سێ مانگی ڕابردووی ده‌ستبه‌كاربوونی به‌ڕێزیاندا، زۆر دڵسۆزانه كاره‌كانیان ڕاده‌په‌ڕێنن و پشتیوان‌و هاوكارێكی گه‌وره‌و گرنگی كاره‌كان بوون، به‌تایبه‌ت زۆر به‌باشی به‌ده‌م پلان و به‌دواداچوونه‌كان و پڕۆژه نوێیه‌كان هاتون، هه‌ر له‌و كۆبوونه‌وه‌یه‌دا به‌ڕێز م. ئیسماعیل ڕەشید، جه‌ختی كرده‌وه له‌سه‌ر پابه‌ندی خۆی و سه‌رجه‌م به‌رپرس و دامه‌زراوه‌كان به جێ به‌جێكردنی یاساو ڕێنماییه‌كان و كاركردن به شێوه‌ی دامه‌زراوانه‌و شه‌فافانه‌و به پێی پره‌نسیپه كارگێڕییه‌كان بۆ خزمه‌تی سودمه‌ندان له هاووڵاتیانی خاوه‌ن پێداویستی تایبه‌ت و منداڵان و ژنان و به‌ساڵاچووان و خێزان و كۆمه‌ڵگه.
یه‌كێك له ته‌وه‌ره گرنگه‌كان بریتبوو له گفتوگۆی ئاماده‌بووان له‌سه‌ر بەرهەمی سەردان و چاوپێکەوتنەکانی بەڕێز بەڕێوەبەری گشتی کە بە تایبەت خۆش بەختانە هەریەک لە بەڕێزان وەزیری کارو پارێزگاری سلێمانی بڕیاری جێبەجێ کردنی هەندێک لە داواکاریەکانیان داوە.
.
وه‌ك یه‌كێك له ده‌رئه‌نجامه‌كانی كۆبوونه‌وه، دروست کردنی لیژنەیەک بوو بۆ پێداویستیەکان و چاک کردنی بینای بەڕێوەبەرایەتی گشتی وداواکاریەکان..
پاش گفتوگۆیه‌كی هێمنانه‌و پشوو درێژانه‌ی سه‌رجه‌م ته‌وه‌ره‌كان، كۆبوونه‌وه‌كه به چەند ئەنجام وڕاسپاردەیەک له‌باره‌ی كاره‌كانی ڕۆژانه‌و پلانی به‌ڕێوه‌به‌رایه‌تی گشتی كۆتایی به كاره‌كانی خۆی هێنا.