بەرێوەبەرایەتی گشتی ئامارو زانیاریی کارو چالاکییەکانی ساڵی (٢٠٢٠)ی بڵاو دەکاتەوە.
ئەمڕۆ سێ شەممە 15ی٦ی٢٠٢١، بەڕێوەبەرایەتی گشتی چاودێری‌‌و گەشەپێدانی کۆمەڵایەتی لە پارێزگای سلێمانی، ئامارو زانیاریی کارو چالاکییەکانی ساڵی (٢٠٢٠)ی بڵاوکردەوە، کە تیایدا لە زۆر بواردا بەرەوپێشچوون لە خزمەتگوزارییەکانی چاودێری و گەشەپێدانی کۆمەڵایەتی بەدیهاتووە چ لە کوالێتی کار چ لە ڕووی ژمارەوە.
هەر ئەمڕۆ، بەڕێز بەڕێوەبەری گشتی ، ڕایگەیاند ،سوپاسی سەرجەم کارمەندان‌و بەرپرسانی سنوری کاری بەڕێوەبەرایەتی گشتی دەکات کە لە ساڵی ڕابردوودا، بە ئاستێکی باشتر خزمەتیان کردووە، هەروەک سوپاسی زۆری ئاراستەی هەموو ئەو ڕێکخراوە نێودەوڵەتی‌‌و ناوخۆییانە دەکات کە هاوکارو پشتیوانن لە چوارچێوەەی پڕۆژەو کارە هاوبەشەکاندا، هەروەها ئاماژەی بە هاوکاریی‌و پشتیوانیەکانی خێرخوازان دەکات، کە هاوکارو پاڵپشتن بۆ باشترکردنی خزمەت لە ماڵەکانی بەساڵاچووان‌و منداڵان‌و سەنتەرو پەیمانگاکان و هاوکارییەکان بوونەتە هۆی دەستەبەرکردنی خزمەتگوزاری باشتر.
جێی ئاماژەیە بەڕێوەبەرایەتی گشتی لە پێناو بەرچاوڕوونی هاووڵاتیان و دەزگاکانی ڕاگەیاندن، ساڵانە جارێک کۆی ئامارو زانیاریی کارو چالاکییەکان لە هەموو بوارەکاندا دەخاتەڕوو.
بۆ زانیاریی تەواو، لە سایتی بەڕێوەبەرایەتی گشتیمان دەقی ڕاپۆرتی ئامارو زانیاریی کارو چالاکییەکان بۆ ساڵی (٢٠٢٠) دەخەینەڕوو:
کلیک لێرە بکە
|