ڕاگەیەنراوێک لە بەڕێوەبەرایەتی گشتی چاودێری‌‌و گەشەپێدانی کۆمەڵایەتی سلێمانیەوە
پاش بڵاوبوونەوەی گرتە ڤیدیۆییەک کە تیایدا چەند کەسێک بەشێوەیەکی ناشایستە ڕەفتار بەرانبەر هاووڵاتیەک دەنوێنن، بە پێویستمانزانی ئەم ڕوونکردنەوەیە بۆ ڕایگشتی بخەینەڕوو:
١ـ وەک بەڕێوەبەرایەتی گشتی سەرکۆنەی ئەم کارە نامرۆڤانەیە دەکەن‌و بە کارێکی دوور لە بەهای مرۆڤایەتی‌‌و شکاندنی کەرامەتی مرۆڤی دەزانین.
٢ـ هەموو مرۆڤێک جێگەی ڕێزەو دەبێت کەرامەتی پارێزراو بێت، بەتایبەت ئەو هاووڵاتیانەی کە باری دەروونی یان ژیرییان ناجێگیرە یان خاوەن پێداویستی تایبەتن، لەم کاتەدا ئەرکە لەسەر هەموو تاکێکی کۆمەڵگە ژیانیان بپارێزێت‌و رێزیان لێبگرێت.
٣ـ پێویستە ئەو کەسانەی ئەو کارەیان ئەنجامداوە ڕووبەڕووی دادگا بکرێنەوەو هەرکەسێک هەڵس‌و کەوتی هاوشێوەی ئەو ڕەفتارە بکات بە یاسا مامەڵەی لەگەڵدا بکرێت بۆ ئەوەی رێگری لەهەموو کارێکی هاوشێوە بگیرێت.
٤ـ دەستخۆشی لە هێزەکانی پۆلیس دەکەین کە تۆمەتبارانیان دەستگیر کردووە، وەک بەڕێوەبەرایەتی گشتی بەدواداچوون بۆ ژیانی ئەو هاووڵاتیە دەکەین‌و ئامادەی هەموو جۆرە خزمەتگوزارییەکی یاسایی‌‌و دەروونی‌‌و کۆمەڵایەتین بۆی.
ڕاگەیاندنی بەڕێوەبەرایەتی گشتی چاودێری‌‌و گەشەپێدانی کۆمەڵایەتی سلێمانی
٥ی ١٠ی ٢٠٢٠
|