به‌ڕێوه‌به‌رایه‌تی گشتی سوپاسنامه‌یه‌ك ئاراسته‌ی كه‌سایه‌تییه‌‌كی خێرخواز ده‌كات
به پێی نووسراوێكی به‌ڕێوه‌به‌رایه‌تی گشتی بە ژماره (١١٣٩) لە به‌رواری (٧ی ٧ی ٢٠٢٠)ی کە له به‌شی پلان‌و به‌دواداچوون ده‌رچووه، و واژۆی به‌ڕێز به‌ڕێوه‌به‌ری گشتی له‌سه‌ره، به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی سوپاسی به‌ڕێز كاك شێخ باز کەریم بەرزنجى، كه‌سایه‌تی خێرخوازی كوردستان ده‌كات كه هه‌ستاوه به دابینكردنی خه‌رجی گیرفانی ڕۆژانه‌ی منداڵان‌و به‌ساڵاچووان تا ئه‌و كاته‌ی دۆخی دارایی ئاسایی دەبێتەوەو مەترسی نه‌خۆشی كۆرۆنا کەم ده‌بێته‌وه كه مانگانه بۆ هه‌ركه‌سێك (45,000 ـ چل‌و پێنج هه‌زار دینار)ه‌و كۆی ته‌رخانكراو مانگانه نزیكه‌ی پێنج ملیۆن دینار ده‌كات بۆ ماڵه‌كانی منداڵان‌و به‌ساڵاچووان له سلێمانی.
له‌و نووسراوه فه‌رمییه‌دا، به‌ڕێوه‌به‌رایه‌تی گشتی ئه‌و هاوكارییه به بایه‌خه‌وه هه‌ڵده‌سه‌نگێنێت‌و پێی وایه پشتیوانیه‌كی گه‌وره‌یه بۆ دامه‌زراوه‌ی كۆمه‌ڵایه‌تی له‌م دۆخه سه‌خته‌داو هاوكارییه‌كی باشی منداڵان‌و به‌ساڵاچووانه،و هیوا ده‌خوازێت نمونه‌ی چاكه‌یان زۆربێت بۆ خزمه‌تكردنی منداڵان‌و به‌ساڵاچووان‌و ده‌ستبارگرتنی دارمه‌زاوه‌ی كۆمه‌ڵایه‌تی تا باشتر خزمه‌تی چاودێری كۆمه‌ڵایه‌تی پێشكه‌ش بكات.
|