ڕۆژی دووشه‌ممه، 15ی 7ی 2019، به‌سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و ئاماده‌بونی به‌ڕێزان نوخشه ڕه‌سوڵ، به‌ڕێوه‌به‌ری كارگێڕی‌‌و به‌رپرسی به‌ش‌و به‌پرسی هۆبه‌كانی به‌دواداچوون‌و ئامارو ئای تی‌‌و كاری كۆمه‌ڵایه‌تی، كۆبوونه‌وه‌یه‌كی تایبه‌ت به كاره‌كانی به‌شی پلان‌و به‌دواداچوون به‌ڕێوه‌چوو.
له‌و كۆبوونه‌وه‌یه‌دا به‌ڕێزان به‌رپرسی‌‌و به‌ش‌و به‌رپرس‌و هۆبه‌و كارمه‌ندانی به‌شی پلان، به وردیان باسیان له‌و ئه‌ركانه كرد كه به‌شه‌كه‌یان ڕایانده‌په‌ڕێنێت، هه‌روه‌ك باسیان له قۆناغه‌كانی پرۆسه‌ی كۆكرنه‌وه‌ی داتاو زانیاریی بۆ تووشبوانی ئۆتیزم كرد.
له‌و كۆبونه‌وه‌یه‌دا، وێڕای ده‌ستخۆشی له كاره‌كانیان، به‌ڕێز به‌ڕێوه‌به‌ری گشتی ئاماژه‌ی به بایه‌خی كاری به‌شه‌كه‌و كاركردن به پلان‌و به‌رده‌ستبوونی زانیاریی‌‌و داتای پێویست كردو به‌رپرسانی به‌شه‌كه‌و كارمه‌ندانی ڕاسپارد به وردی و دیقه‌ی ته‌واوه كاره‌كانیان ڕاپه‌ڕێنن‌و له ئاست چاوه‌ڕوانی‌‌و ئه‌ركه‌كانیاندابن، هه‌روه‌ك جه‌ختی كرده‌وه له‌وه‌ی كه ده‌بێت به شێوه‌ی هه‌میشه‌یی‌‌و به شێوه‌ی سۆفت داتاو زانیاریی به‌رده‌وام له‌به‌رده‌ستدا بێت‌و بۆ ئه‌وه‌ی به ئاسانی دامه‌زراوه‌و وه‌زاره‌ت‌و هاووڵاتیان و ده‌زگاكانی ڕاگه‌یاندن سودی لێ وه‌رگرن.
سه‌باره‌ت به پرۆسه‌ی كۆكردنه‌وه‌ی داتاو زانیاریی تووشبوانی ئۆتیزم، به‌ڕێز به‌ڕێوه‌به‌ری گشتی به‌شه‌كه‌ی ڕاسپارد ئه‌و ماوه‌یه بۆ (20)ڕۆژی تر دریَِژ بكرێته‌وه تا ته‌واوی ئه‌و خێزانانه‌ی كه ئه‌ندامێكی خێزانه‌كه‌یان توشبووی ئۆتیزمه ناویانه تۆمار بكرێت‌و بێ به‌ش نه‌بن له هه‌ر شتێك كه پاش ئه‌و كۆكردنه‌وه‌ی داتاو زانیارییه بۆ منداڵانی ئۆتیزم ده‌كرێت.
جێ وەبیرهێنانەوەیە بەڕێوەبەرایەتى گشتى چاودێرى و گەشەپێدانى کۆمەڵایەتى سلێمانى لە بەروارى ١٦ى ٦ى ٢٠١٩ەوە هەڵمەتێکى تۆمارکردنى تووشبوانى ئۆتیزمى دەست پێ کردوە و تا ئێستا نزیکەى ٢٥٠ تووشبوو تۆمارکراون، لە خوارەوە دەقى ئاگادارییەکەو ناونیشانەکان جارێکى تر بڵاو دەکەینەوە:
ده‌قی ڕاگه‌یه‌نراوه‌كه:
ئاگادارییەک لە بەڕێوەبەرایەتی گشتی چاودێری و گەشەپێدانی کۆمەڵایەتی سلێمانیەوە بۆ ئەو خێزانانەی منداڵی (ئۆتیزم)یان هەیە
بەمەبەستی کۆکردنەوەی داتاو زانیاریی پێویست لە سەر منداڵان و تووشبوانی ئۆتیزم و خانەوادەکانیان لە سنوری پارێزگای سلێمانی و سودوەرگرتن لەو زانیاریانە بۆ دانانی بەرنامەو پلان و دەرکردنی بڕیارو ڕێنمایی نوێدا، بەشی پلان و بەدواداچوون لە بەرێوەبەرایەتی گشتیمان ئاگاداری ئەو خێزانانە دەکاتەوە کە تووشبوی خودتەنهایی (ئۆتیزم)یان هەیە لە بەرواری (١٨ی ٦ی ٢٠١٩)ەوە بۆ ماوەی مانگێک سەردانی لیژنەکانمان بکەن بۆ پڕکردنەوەی فۆرمی زانیاریی بۆ منداڵەکانیان، بە ڕەچاوکردنی ئەم زانیارییانەی خوارەوە:
یەکەم/ بەڵگەنامە پێویستەکان و كاته‌كانی تۆماركردن:
١ـ وێنەیەک لە ناسنامەی باری شارستانی تووشبوو بە ئۆتیزم.
٢ـ وێنەیەک لە کارتی زانیاری خێزان.
٣ـ وێنەیەک لە لیژنەی پزیشکی یان ڕاپۆرتی پزیشکی کە پیشانی بدات منداڵەکە ئۆتیزمی هەیە.
٤ـ دوو وێنەی کەسی تووشبوو بە ئۆتیزم.
٥ـ کاتەکانی تۆمارکردن: لە ڕۆژانی یەکشەممە بۆ پێنجشەممە، سەعات (8.30 بۆ 1.30).
دووەم/ شوێنەکانی پڕکردنەوەی فۆرم و ناونیشانەکانیان:
١ـ ناوشاری سلێمانی و دەروبەری:
أ ـ بەرێوەبەرایەتی چاودێری کەمئەندامانی سلێمانی:
ناونیشان: سلێمانی، گەڕەکی چوارباخ، ، ژمارە تەلەفوون( ٠٥٣٣١٧٠٣٥٦ ).
ب ـ سەنتەری ئۆتیزم:
ناونیشان: سلێمانی، گەڕەکی کارێزە وشک، پشت دەزگای شەهیدان، ژمارەی تەلەفۆن(٠٥٣٣٢٠٨١١٨)
ج ـ قەزای دووکان:
ناونیشان: شارۆچکەی دوکان، بینای دایەنگەی دووکان، ژمارە تەلەفوون(٠٧٧٣٦٩٩٠٥٩١).
د ـ قەزای چوارتا:
ناونیشان: شارۆچکەی چوارتا، بینای دایەنگەی چوارتا، ژمارە تەلەفوون( ٠٧٧٠٢٢١٠٢١٨).
ه - شارەدێی بازیان:
ناحیەی بازیان، بینای دایەنگەی بازیان، ژمارە تەلەفۆن (٠٧٧٢٩٥٨١٥٣٧).
و ـ شارەدێی پیرە مەگرون:
سەنتەری پاراستنی منداڵانی پیرە مەگرون لە ناو بینای کتێبخانە، ژمارەی تەلەفۆن:(٠٧٧٠١٣٩٢٢٠١).
٢ـ بتوێن/ پشده‌ر:
أـ ڕانیه، بەرێوەبەرایەتی چاودێری کۆمەڵایەتی، گەڕەکی کێوە ڕەش، نزیک ئامادەیی پێنجی ئازار، ژماره ته‌له‌فوون: (٠٧٥٠١٠٥٤٢١٥ – ٠٧٥٠١٥٢٠٧٣٧).
ب ـ قەڵادزێ: بنکەی چاودێری کۆمەڵایەتی و کەمئەندامان، گەڕەکی ئاشتی، نزیک بنكەی ئاسایش، ژمارە تەلەفوون:(٠٧٥٠١١١٨٩٠٨).
٣ـ به‌ڕێوه‌به‌رایه‌تی چاودێری‌‌و گه‌شه‌پێدانی كۆمه‌ڵایه‌تی چه‌مچه‌ماڵ.
ناونیشان: چه‌مچه‌ماڵ، ڕێگای شوان، ته‌نیشت مزگه‌وتی سالار فه‌قێ، ژمارە تەلەفون: (8970013).
٤ـ به‌ڕێوه‌به‌رایه‌تی چاودێری‌‌و گه‌شه‌پێدانی كۆمه‌ڵایه‌تی ده‌ربه‌ندیخان.
ناونیشان: قه‌زای ده‌ربه‌ندیخان، نزیك شه‌قامی سه‌ره‌كی ده‌ربه‌ندیخان، پشت قاوەخانەی كلتوری، ژماره ته‌له‌فون:(٠٧٧٠١٥٦٣٣٥٠).
ڕاگەیاندنی بەڕێوەبەرایەتی گشتی چاودێری چاودێری و گەشەپێدانی کۆمەڵایەتی سلێمانی
١٦ی ٦ی ٢٠١٩