كۆبوونه‌وه‌یه‌ك له‌گه‌ڵ نووسینگه‌ی هه‌ولێری ڕێكخراوی یونسێف سه‌باره‌ت به پڕۆژه‌ی خێزانی جێگره‌وه به‌ڕێوه‌چوو
ڕۆژی پێنجشه‌ممه، 30ی 5ی 2019، به‌سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی‌‌و به‌شداری به‌ڕێزان ئاشتی ئیبراهیم، یاریده‌ده‌ری به‌ڕێوبه‌ه‌ری گشتی‌‌و ئاراس ناصر، به‌رپرسی به‌شی پارێزگاری خێزان و سۆران سه‌عید، به‌رپرسی به‌شی پلان‌و سه‌رنج حه‌مه‌سه‌عید، به‌ڕێوه‌به‌ری چاودێری كۆمه‌ڵایه‌تی سلێمانی‌‌و موحه‌ممه‌د عه‌لی، به‌رپرسی هۆبه‌ی خێزانی جێگره‌وه و شادان تاهیر، به‌ڕێوه‌به‌ری پڕۆگرام له نووسینگه‌ی هه‌ولێری ڕێكخراوی یونسێف له ڕێگه‌ی ڤیدیۆ چاته‌وه.
كۆبوونه‌وه‌كه به‌مه‌به‌ستی هه‌ڵسه‌نگاندنی كاره‌كانی پڕۆژه‌ی خێزانی جێگره‌وه‌بوو له ڕوانگه‌ی پشتیوانیه‌كانی ڕێكخراوی یونسێفه‌وه بۆ ئه‌و پڕۆژه گرنگه، له میانه‌ی كۆبوونه‌كه‌دا به‌ڕێز به‌ڕێوه‌به‌ری گشتی وێڕای سوپاسی ڕێكخراوی ناوبراو بۆ پشتیوانیه‌كانی بۆ پڕۆژه‌كه جه‌ختی كرده‌وه له‌سه‌ر ئه‌وه‌ی كه كاره‌كانی خێزانی جێگره‌وه زۆر به‌باشی به‌ڕێوه ده‌چن‌و له ئێسته‌دا سه‌رجه‌م بواره‌كانی كاركردن له پڕۆژه‌كه له‌سه‌ر هێڵێكی ڕاست‌و به ئاراسته‌ی ده‌ستكه‌وتی زیاترو باشتر هێنانه‌دی ئامانجه‌كان هه‌نگاو ده‌نێن، هه‌ر له‌و باره‌یه‌وه به‌ڕێز به‌ڕێوه‌به‌ری گشتی جه‌ختی كرده‌وه له‌سه‌ر ئه‌وه‌ی كه وه‌ك بڕیارمانداوه هه‌موو توانای خۆمان بخه‌ینه‌گه‌ڕ بۆ سه‌رخستنی پڕۆژه‌كه چونكه نمونه‌ییترین چاره‌سه‌ره بۆ ئه‌و منداڵانه‌ی ڕووبه‌ڕووی له‌ده‌ستدانی خێزانه‌كانیان ده‌بنه‌وه‌و ناچار ده‌بن له ماڵه‌كانی منداڵان بمێننه‌وه.
هه‌ر له كۆبوونه‌وه‌كه‌دا ئاماده‌بووان گفتوگۆیان كرد له‌سه‌ر ده‌ستنیشانكردنی خاڵه ئه‌رێنیه‌كان و چۆنیه‌تی گه‌شه‌پێدانیان، هه‌روه‌ك ئه‌و بوارانه‌ی كاركردنی ئێسته‌ی پڕۆژه‌كه كه جێگه‌ی پرسیاری ڕێكخراوی یونسێف بوون ڕوونكردنه‌وه‌ی پێویستیان له‌باره‌وه درا.
|