بسم الله الرحمن الرحیم
(وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ)(المائدة، آية 2)
(ئاگادارییەک بۆ خێرخوازان و چاکەکاران)
وەک بەشێک لە ئەرکی چاکەکاری کۆمەڵگەو خێرخوازان، لە ژێر ڕۆشنایی ئایەتی خوای گەورە کە دەفەرموێت: (وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ)، ئاگاداری هاووڵاتیانی خۆشەویست و چاکەکارو خێرۆمەندانی سنوری پارێزگاکەمان دەکەینەوە کە دەتوانن خێرو صەدەقەو زەکاتەکانتان ببەخشنە ئەژماری (کۆمەک و هاوکاری خێرخوازان) بۆ خزمەتی ماڵەکانی (منداڵان و بەساڵاچوان)ی سلێمانی.
بۆ زانیاریی زیاتری خێرخوازان، بەرێوەبەرایەتی گشتی چاودێری و گەشەپێدانی کۆمەڵایەتی سلێمانی لە رێگەی سیستمێکی زۆر شایستەوە پێشوازی لە هاوکارییەکانتان دەکات ئەویش بە دانانی زەکات و صەدەقەو هاکارییەکانتان لە ئەژماری (کۆمەک و هاوکاری خێرخوازان)، کە بە ژمارە (7573) بۆ دینارو ژمارە (1730) بۆ دۆلاری ئەمریکی لە بانکی (ئاڵای هەرێم) تۆمارە، کە بانکەکە دەکەوێتە بەرانبەر پارکی ئازادی.
بۆ زانیاری زیاتر، خێرخوازانی بەڕێز دەتوانن ڕاستەوخۆ سەردانمان بکەن بۆ وەرگرتنی زانیاریی زیاترو ڕێنماییان بۆ گەیاندنی خێرو چاکەکانیان، خوای گەورە بەرەکەت بخاتە ماڵی چاکەکاران و خێرخوازانی کۆمەڵگەکەمانەوە.
ناونیشانی بەرێوەبەرایەتی گشتی:
سلێمانی: گردی جۆگە، بەرانبەر نەخۆشخانەی فێرکاری سلێمانی، خوار ئامادەیی هەڵکەوتی کوڕان.
ژمارە تەلەفوون: 053,3230322 – 053,3230318
ناونیشانمان لە ئینتەرنێت: www.socialsuli.com.
ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی
١٩ی ٥ی ٢٠١٩