پڕكردنه‌وه‌ی پۆستی به‌تاڵ
به‌مه‌به‌ستی ڕه‌خساندنی هه‌لی یه‌كسان بۆ كارمه‌ندانی سنوری كاری به‌ڕێوه‌به‌رایه‌تی گشتیمان‌و په‌یڕه‌ویكردن له بنه‌ما دروسته‌كانی به‌ڕێوه‌بردن، ئاگاداری كارمه‌ندانمان ده‌كه‌ینه‌وه پۆستی به‌رپرسی هۆبه‌ی (كاری كۆمه‌ڵایه‌تی) سه‌ر به به‌شی پلان له دیوانی به‌ڕێوه‌به‌رایه‌تی گشتیمان به ڕێگه‌ی كێبركێ پڕ ده‌كرێته‌وه، هه‌ر كارمه‌ندێك ئاره‌زوومه‌نده‌و مه‌رجه پێویسته‌كانی تێدایه سیڤی خۆی بنێرێت بۆ به‌ڕێوه‌به‌رێتی كارگێڕی تا كاری پێویست ئه‌نجامبدرێت، كۆتا واده‌ی پێشكه‌شكردنی داواكاری بریتییه له ڕۆژی یه‌كشه‌ممه، 28ی 10ی 2018 یه.
مه‌رجه‌كان:
1ـ پێشكه‌شكار پێویسته هه‌ڵگری بڕوانامه‌ی به‌كالۆریۆس بێت و شاره‌زای كاری كۆمه‌ڵایه‌تی بێت.
2ـ خزمه‌تی له 7 ساڵ كه‌متر نه‌بێت.
3ـ باشتره ئه‌زموونی كاركردنی له‌و بواره‌دا هه‌بێت.
4ـ ئه‌وانه‌ی شاره‌زاییان له (زمان، كۆمپیوته‌ر، ئینته‌رنێت) هه‌یه له پێشترن.
4ـ لارینه‌بوونی به‌ڕێوه‌به‌رێتییه‌كه‌ی به‌ده‌ست بێنێت له‌كاتی په‌سه‌ندكرانی داواكه‌یدا، ئه‌گه‌ر داواكار له ده‌ره‌وه‌ی دیوانی به‌ڕێوه‌به‌رایه‌تی گشتی بوو.
ڕاگه‌یاندنی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی
14ی 10ی 2018
|