بەمەبەستی پێداچوونەوە و خستنە ڕووی تەواوی کارو پڕۆژەکانی یونسێف لە هەرێمی کوردستان لەساڵی ڕابردودا ، ڕۆژی چوارشەممە ، 14ـی تشرینی یەکەمـی2022، بە ئامادەبونی بەڕێزان، فواد سدیق راوێژکاری وەزارەتی کارو کاروباری کۆمەڵایەتی ، م.ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، بەڕێوەبەرانی گشتی هەولێر ،دهۆک ، ژمارەیەک لە ڕێکخراو و لایەنی پەیوەندیدار ، وۆرک شۆپێیکی ھاوبەشی وەزارەتی کارو کاروباری کۆمەلایەتی و رێکخراوی یونسێف لە ئۆتێل ڤان ڕۆیاڵ بەڕێوەچوو.

وۆرک شۆپەکە تایبەت بوو بە گفتوگۆ و ڕاو بۆچونی ئامادەبوان بۆ دانانی پلانی ساڵانەی ڕێکخراوەکەو هەروەها خستنە ڕووی تەواوی کارو پڕۆژەکانی ڕێکخراوەکە لە ساڵی 2022 لە بواری پاراستنی منداڵ و دانانی بەرنانەمەی ھاوبەشی ھەردو لا بۆ ساڵی ئایندە .

وۆرک شۆپەکە بە وتەی بەڕێز ، فواد سدیق سەرۆکی لیژنەی باڵای پاراستنی منداڵ دەستی پێ کرد ، وێرای دەست خۆشی و پێزانینی وەزارەتی کار بۆ رێکخراوی یونسێف ، کارەکانی بەرز نرخاندن و ھەماھەنگی زیاتر لەگەڵ رێکخراوە نێودەولەتیەکان و لۆکاڵیەکان بۆ ساڵی نوێ و دارشتنی پلان و ستراتیج بۆ داھاتوو لە پێناو خزمەت کردنی زیاتر بە منداڵانی کوردستان ڕونکردەوە .

پاشان دەرگای گفتوگۆو پێشنیار کرایەوە و ئامادەبوان راو سەرنج و پێشنیارەکانی خۆیان پێشکەش بە وەزارەت و ڕێکخراوی یونسێف کرد بۆ ئەوەی لە کارەکانی داھاتوودا جێگیر بکرێت و کاری لەسەر بکرێت .