بەپێی‌ گشتاندنێك كه‌ ژماره‌ (1459) له‌ ڕێکەوتی (6ـی4ـی2023)ی‌ له‌سه‌ره‌،بە پشت بەستن بەفەرمانی کارگێڕی وەزارەتی کاروکاروباری کۆمەڵایەتی ژمارە (2252)لە ڕێکەوتی(29ـی3ـی2023)، به‌ڕێوه‌به‌رایه‌تی‌ گشتی‌ له‌ ڕێگه‌ی‌ كێبڕكێ‌و ڕه‌خساندنی‌ هه‌لی‌ چونیه‌ك بۆ كارمه‌ندان پۆستی‌ به‌رپرسی‌ بەشی (یاسا) له‌ به‌ڕێوه‌به‌رایه‌تی‌ گشتی چاودێری‌ و گەشەپێدانی كۆمه‌ڵایه‌تی‌ سلێمانی‌ پڕ ده‌كاته‌وه‌، كارمه‌ندانی‌ سنوری‌ كاری‌ به‌ڕێوه‌به‌رایه‌تی‌ گشتی‌‌ ده‌توانن سی‌ ڤی‌ خۆیان له‌ ماوه‌ی‌ (4)ڕۆژدا ئاراسته‌ی‌ به‌ڕێوه‌به‌رایه‌تی‌ كارگێڕی‌ بكه‌ن بۆ به‌شداری‌ له‌ پڕكردنه‌وه‌ی‌ پۆسته‌ به‌تاڵه‌كان.

ده‌قی‌ ڕاگه‌یه‌نراوه‌كه‌:

پڕكردنه‌وه‌ی‌ پۆستی‌ به‌تاڵ

به‌ڕێوه‌به‌رایه‌تی‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌، ئاگاداری‌ كارمه‌ندانی‌ سنوری‌ به‌ڕێوه‌به‌رایه‌تی‌ گشتیمان ده‌كات، ئه‌و بەڕێزانەی‌‌ ئاره‌زوومه‌ندن به‌ وه‌رگرتنی‌ پۆستی‌ بەرپرسی بەشی (یاسا) لە بەڕێوەبەرایەتی‌ گشتی چاودێری‌ و گەشەپێدانی کۆمەڵایەتی‌ سلێمانی‌، لە ماوەی‌ (4) ڕۆژدا ژیان و تواناییه‌كانیان به‌(C.V) ئاراسته‌ی‌ (به‌ڕێوه‌به‌رێتی‌ كارگێڕی‌) بكه‌ن له‌ دیوانی‌ به‌ڕێوه‌به‌رایه‌تی‌ گشتیمان به‌ مه‌به‌ستی‌ به‌شداریكردن له‌ كێبڕكێی‌ پڕكردنه‌وه‌ی‌ بە ڕەچاوکردنی‌ ئەم خاڵانەی‌ خوارەوە:

① هەر بەڕێزێک سیڤی کەسی پێشکەش دەکات پێویستە فەرمانبەری یاسایی بێت و لە سنوری کاری بەڕێوەبەرایەتی گشتیمان بێت.
② هەڵگرانی بڕوانامەی ماجستر ،خزمەتی (8) ساڵی هەبێت لە بواری کاروباری یاسایی.
③ هەڵگرانی بڕوانامەی بەکالوریوس،خزمەتی (10) ساڵی هەبێت لە بواری کاروباری یاسایی.
④ هەر بەڕێزێک ئارەزوومەندە پێویستە لەماوەی (4)ڕۆژ لەبڵاوکردنەوەی ئەم ئاگاداریە ، ژیان و تواناییه‌كانیان به‌(C.V) ئاراسته‌ی‌ (به‌ڕێوه‌به‌رێتی‌ كارگێڕی‌) بكه‌ن .

ڕاگه‌یاندنی‌ به‌ڕێوه‌به‌رایه‌تی‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌
9ـی نیسانـی2023