به‌ڕێوه‌به‌رایه‌تی گشتی ئامادەکاری بۆ بە فەرمی کردنەوەو گەشەپێدانی سەنتەری ئۆتیزم دەکات
پاش تەواوبوونی بینای نوێی سه‌نته‌ری ئۆتیزم، سه‌ر به به‌ڕێوه‌به‌رایه‌تی چاودێری كه‌مئه‌ندامانی سلێمانی، بڕیاروایه له ڕۆژی یه‌كشه‌ممه، 13ی 1ی 2019، له مه‌راسیمێكی شایسته‌دا بیناكه به فه‌رمی بكرێنه‌وه‌و له ئاینده‌یه‌كی نزیكیشدا كاربكرێت بۆ گه‌شه‌پێدانی زیاتری تواناكانی سه‌نته‌ر.
له‌باره‌ی سه‌نته‌ره‌كه‌وه به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی به سایتی فه‌رمی به‌ڕێوه‌به‌رایه‌تی گشتی ڕاگه‌یاند: سه‌نته‌ری ئۆتیزم یه‌كێك له دامه‌زراوه كۆمه‌ڵایه‌تییه‌كانی سنوری كاری به‌ڕێوه‌به‌رایه‌تی گشتیمانه‌و ئه‌ركی ڕاهێنانی منداڵانی ئۆتیزمی له ئه‌ستۆیه، له ئێسته‌دا به‌هۆی كه‌می ستافه‌وه سه‌نته‌ره‌كه توانای هه‌یه ته‌نها 20 منداڵ ڕۆژانه وه‌ربگرێت و ڕاهێنانی پێویستیان پێ بكات، خوا یاربێت پاش كردنه‌وه‌ی به فه‌رمی، له ڕێگه‌ی برای به‌ڕێزم كاك د.هه‌ڤاڵ ، پارێزگاری سلێمانیه‌وه كارده‌كه‌ین بۆ زیادكردنی ستافه‌كان تا توانای ڕاهێنانی منداڵ له ڕۆژێكدا به‌رزبێته‌وه بۆ نزیكه‌ی 100 منداڵ.
بنیای سه‌نته‌ره نوێیه‌كه ده‌كه‌وێته گه‌ڕه‌كی كارێزه وشكه‌وه بڕیاروایه سه‌عات 11ی ڕۆژی یه‌كشه‌ممه به فه‌رمی بكرێته‌وه.
|