به‌ڕێوه‌به‌ری گشتی هه‌ردوو دایه‌نگه‌ی (شار) و (ڕۆژ)ی ناحكومی به فه‌رمی ده‌كاته‌وه
ڕۆژی پێنجشه‌ممه، 13ی 12ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به یاوه‌ری هه‌ریه‌كه له به‌ڕێزان نوخشه ڕه‌سوڵ، به‌ڕێوه‌به‌ری كارگێڕی دیوان و هیوا سه‌عید، به‌رپرسی به‌شی دایه‌نگه‌كان و پشتیوان موحه‌ممه‌د، به‌رپرسی یه‌كه‌ی پاراستنی منداڵ له به‌شی پارێزگاری خێزان هه‌ردوو دایه‌نگه‌ی (شار)و (ڕۆژ)ی ناحكومی كرده‌وه.
له هه‌ردوو بۆنه‌كه‌دا به‌ڕێز به‌ڕێوه‌به‌ری گشتی سه‌ره‌ڕای به‌سه‌ركردنه‌وه‌ی به‌ش و هۆڵ و شوێنه جیاجیاكانی دایه‌نگه‌كان، پیرۆزبایی ئاراسته‌ی خاوه‌ن و به‌ڕێوه‌به‌رو ستافه‌كانی دایه‌نگه كردو هیوای خواست ئه‌وپه‌ڕی توانای خۆیان بخه‌نه‌گه‌ڕ بۆ ڕه‌خساندنی ژینگه‌یه‌كی گونجاو بۆ گه‌شه‌ی هه‌مه‌لایه‌نه‌ی منداڵان.
هه‌ر له‌و دوو بۆنه‌یه‌دا به‌ڕێز به‌ڕێوه‌به‌ری گشتی سوپاس و ده‌ستخۆشی ئاراسته‌ی لیژنه‌كان و به‌رپرس و كارمه‌ندانی به‌شی دایه‌نگه‌كان كرد كه له ئاستێكی به‌رزدا ڕێنمایی و بڕیاره‌كانی به‌ڕێوه‌به‌رایه‌تی گشتیان جێ به‌جێكردووه‌و پرۆسه‌ی مۆڵه‌ته‌كان له و چوارچێوه‌یه‌دا دراون.
هه‌ر له وته‌كه‌یدا به‌ڕێز به‌ڕێوه‌به‌ری گشتی جه‌ختی كرده‌وه له پشتیوانی ته‌واوی به‌ڕێوه‌به‌رایه‌تی گشتی بۆ كه‌رتی تایبه‌ت له كاركردن له بواری دایه‌نگه‌دا له چوارچێوه‌ی چاودێری وردی به‌ش و هۆبه په‌یوه‌ندیداره‌كانی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی سلێمانی ئه‌وه‌ش له پێناو ڕه‌خساندنی نزیكترین ده‌رفه‌ت بۆ خانه‌واده‌كان له‌لایه‌ك و ڕه‌خساندنی كێبركێ بۆ باشتر خزمه‌تكردنی منداڵان له‌و قۆناغه هه‌ستیاره‌ی ته‌مه‌ندا.
تێبینى: وێنه‌كانی یه‌ك تا پێنج دایه‌نگه‌ی (شار)ن له گه‌ڕه‌كی مامۆستایان و وێنه‌كانی دواتر دایه‌نگه‌ی (ڕۆژ)ن له گه‌ڕه‌كی زه‌رگه‌ته.