ئه‌نجومه‌نی فراوانی به‌ڕێوه‌به‌رایه‌تی گشتی كۆبوونه‌وه‌ی ژماره (6)ی خۆی به‌ڕێوه‌برد
ڕۆژی چوارشه‌ممه، 12ی 12ی 2018، به‌سه‌رپه‌رشتی به‌ڕێز م.عومه‌ر گوڵپی، به‌ڕێوبه‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، ئه‌نجومه‌نی فراوانی به‌ڕێوه‌به‌رایه‌تی گشتی به ئاماده‌بوونی به‌رپرسان و به‌ڕێوه‌به‌رانی فه‌رمانگه‌و به‌رپرسانی به‌ش و هۆبه په‌یوه‌ندیداره‌كان، كۆبوونه‌وه‌ی ژماره (6)ی ساڵی 2018ی خۆی به‌ڕێوه‌برد.
ته‌وه‌ری سه‌ره‌كی كۆبونه‌وه‌كه بریتبوو له گفتوگۆی پڕۆژه‌ی پاڵپشتی ده‌روونی و كۆمه‌ڵایه‌تی منداڵ و خێزان و كۆمه‌ڵگه‌و په‌سه‌ندكردنی پرۆسه‌ی هه‌ڵسه‌نگاندن و پۆلێنكردنی دایه‌نگه‌كان بۆ ساڵی 2018.
له كۆبوونه‌وه‌كه‌دا گفتوگۆی تێرو ته‌سه‌ل بۆ هه‌ردوو ته‌وه‌ری سه‌ره‌كی كراو ڕۆڵی پڕۆژه‌ی پاڵپشتی ده‌روونی بۆ منداڵ و خێزان له پاراستن و منداڵاندا به‌رزنرخێنرا، هه‌روه‌ك لیژنه‌یه‌ك به ئه‌ندامییه‌تی سه‌رپه‌رشتیارانی پڕۆژه‌و به‌ڕێوه‌به‌رانی فه‌رمانگه‌كانی (چاودێری كۆمه‌ڵایه‌تی سلێمانی، چاودێری‌‌و گه‌شه‌پێدانی كۆمه‌ڵایه‌تی له شاره‌كانی چه‌مچه‌ماڵ و ده‌ربه‌ندیخان و ڕانیه) پێكهێنراو بۆ ئاماده‌كردنی دوا سیغه‌ی ستافه پێشنیاركراوه‌كان و ماف و ده‌سه‌ڵاتیش درا به ئه‌ندامانی كۆبوونه‌وه‌كه كه پێشنیاری بۆچوونی خۆیان ئاراسته‌ی ئه‌و لیژنه‌یه بكه‌ن.
سه‌باره‌ت به پرۆسه‌ی هه‌ڵسه‌نگاندنی دایه‌نگه‌كانیش پاش خستنه‌ڕووی شێوازی پڕۆسه‌كه له‌لایه‌ن به‌ڕێز هیوا سه‌عید، به‌رپرسی به‌شی دایه‌نگه‌كانه‌وه، كۆبوونه‌وه‌كه به بایه‌خه‌وه له هه‌ڵسه‌نگاندنه‌كه‌یان ڕوانی و ده‌ستخۆشیان كرد له به‌ڕێوه‌چوونی پڕۆژه‌سه‌یه‌كی گرنگی له‌و جۆره به شێوه‌یه‌كی زانستی و بێلایه‌نانه‌و دادگه‌رانه و به میكانیزمێكی زانستی و شه‌فاف.
|