كۆبوونه‌وه‌ی توێژه‌رانی كۆمه‌ڵایه‌تی به‌ڕێوه‌چوو
ڕۆژی سێشه‌ممه، 11ی 12ی 2018، به‌سه‌رپه‌رشتی به‌ڕێز خاتوو شه‌وبۆ موحه‌ممه‌د ئه‌مین، شاره‌زای كۆمه‌ڵایه‌ت له دیوانی به‌ڕێوه‌به‌رایه‌تی گشتی كۆبوونه‌وه‌یه‌كی تایبه‌ت به توێژه‌رانی كۆمه‌ڵایه‌تی و ده‌روونی به‌ڕێوه‌چوو و له به‌شێكی كۆبوونه‌وه‌كه‌دا به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی ئاماده‌بوو.
له‌و كۆبوونه‌وه‌یه‌دا به‌ڕێز به‌ڕێوه‌به‌ری گشتی وته‌یه‌كی پێشكه‌شكردوو له وته‌كه‌یدا، سوپاسی هه‌وڵ و ماندووبوون و دڵسۆزی توێژه‌رانی كۆمه‌ڵایه‌تی و ده‌روونی كرد كه به هاوكاری كارمه‌ندانی تری فه‌رمانگه‌كانی كۆمه‌ڵایه‌تی ڕۆڵێكی به‌رچاویان هه‌یه له پێشكه‌شكردنی خزمه‌تگوزاری چاودێری كۆمه‌ڵایه‌تی بۆ منداڵ و خێزان و كه‌مئه‌ندامان و به‌ساڵاچووان و تێكڕای كۆمه‌ڵگه.
هه‌ر له وته‌كه‌یدا به‌ڕیز به‌ڕێوه‌به‌ری گشتی جه‌ختی كرده‌وه كه ئه‌وان كارده‌كه‌ن بۆ ئه‌وه‌ی دامه‌زراوه‌كانی كۆمه‌ڵایه‌تی باشتر به ئه‌ركه‌كانی خۆیان هه‌ستن و ڕۆڵ و پێگه‌ی توێژه‌رانی كۆمه‌ڵایه‌تی به‌هێزتر بێت له ڕووی ئیداری و هونه‌رییه‌وه له دامه‌زراوه‌ی كۆمه‌ڵایه‌تیدا.
پاشان توێژه‌رانی كۆمه‌ڵایه‌تی گفتوگۆی به‌رنامه‌كانی كۆبوونه‌وه‌كانیان كرد كه یه‌كێك له ته‌وه‌ره سه‌ره‌كییه‌كان گفتوگۆی ڕێبه‌ری توێژه‌ران بوو كه تیایدا ئه‌رك و كاری توێژه‌ر له فه‌رمانگه‌كاندا دیاریده‌كات، هه‌روه‌ك به‌شێكی كۆبوونه‌وه‌ش ته‌رخان بوو بۆ گفتوگۆی كێشه‌و گرفته‌كان و چۆنیه‌تی پێشخستنی كاره‌كانی له فه‌رمانگه‌كان و باشتر جێ به‌جێكردنی یاساو ڕێنماییه‌كان، كه له شێوه‌ی پێشنیاردا ئه‌خرێته به‌رده‌م به‌ڕێوه‌به‌رایه‌تی گشتی و وه‌زاره‌ت بۆ په‌سه‌ندكردن و كارله‌سه‌ر كردنی.
|