به ئاماده‌بوونی به‌ڕێوه‌به‌ری گشتی، هه‌ردوو دایه‌نگه‌ی مه‌لیك و ئاینده‌ی كوردستان كرانه‌وه
ڕۆژی سێشه‌ممه، 27ی 11ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێزان هیوا سه‌عید، به‌رپرسی به‌شی دایه‌نگه‌كان و یوسف موحه‌ممه‌د له په‌یوه‌ندییه‌كان، هه‌ردوو دایه‌نگه‌ی ناحكومی (مه‌لیك) و (ئاینده‌ی كوردستان)ی كرده‌وه.
له‌و دوو مه‌راسیمه‌دا كه به‌ڕێوه‌به‌رو ستافه‌كانی دایه‌نگه‌كانی (مه‌لیك) و (ئاینده‌ی كوردستان)ی ناحكومی ئاماده‌ی بوون، به‌ڕێز به‌ڕێوه‌به‌ری گشتی وێرای پیرۆزبایی جه‌ختی له پاراستنی ئه‌و بنه‌مایانه كرده‌وه كه ده‌بنه هۆی دروستبوونی ژینگه‌یه‌كی گونجاو بۆ گه‌شه‌ی منداڵ له ڕوانگه‌ی پابه‌ندبوون به یاساو ڕێنماییه‌كان و بڕیاره‌كانی به‌ڕێوه‌به‌رایه‌تی گشتیه‌وه.
جێی ئاماژه‌یه به‌ڕێوه‌به‌رایه‌تی گشتی له ڕێگه‌ی به‌شی دایه‌نگه‌كان و به پێی سیستم و ڕێنماییه‌كانی دایه‌نگه مۆڵه‌تی كردنه‌وه‌ی دایه‌نگه‌ی ناحكومی ده‌دات و له ڕێگه‌ی لیژنه‌ی تایبه‌تمه‌ندیشه‌و ڕێنماییان ده‌كات و چاودێری كاره‌كانیان ده‌كات، ئه‌وه‌ش له پێناو به‌رژه‌وه‌ندی گشتی و ڕه‌خساندنی ژینگه‌یه‌كی گونجاو بۆ گه‌شه‌ی منداڵ له قۆناغی خوار چوار ساڵی.
|