به‌ڕێوه‌به‌رایه‌تی گشتی پێشوازی له كونسوڵی ئیتالیا له هه‌رێمی كوردستان ده‌كات
ڕۆژی چوارشه‌ممه، 28ی 11ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌لایه‌تی له‌پارێزگای سلێمانی پێشوازیكرد له به‌ڕێز خاتوو سێرێنا موڕۆنی، كونسوڵی وڵاتی ئیتالیا له هه‌رێمی كوردستان كه له چوارچێوه‌ی ڕۆژی جیهانی به‌ره‌نگاری توندوتیژی دژی ژنان سه‌ردانی ماڵی داڵده‌دانی ژنانی هه‌ڕه‌شه‌لێكراوی سلێمانی كردبوو.
له دیدارێكدا به‌ڕێز به‌ڕێوه‌به‌ری گشتی شێوازی كاركردن و ئه‌رك و به‌رپرسیارێتی ماڵی داڵده‌دانی ژنانی هه‌ڕه‌شه‌لێكراوی بۆ كونسوڵی وڵاتی ئیتالیا ڕوونكرده‌وه‌و تیایدا سیاسه‌تی دامه‌زراوه‌ی له چوارچێوه‌ی وه‌زاره‌تی كارو كاروباری كۆمه‌لایه‌تی حكومه‌تی هه‌رێمی كوردستان بۆ پاراستنی ژنانی هه‌ڕه‌شه‌لێكراو خسته‌ڕوو، هه‌روه‌ك پاش ئاژماره‌دا به ده‌ستكه‌وته‌كان و ڕۆڵی ماڵه‌كه له پاراستنی ژنان و كچاندا كێشه‌و له‌مپه‌رو ته‌گه‌ره‌كانی كاره‌كانیشی بۆ شاندی میوان ڕوونكرده‌وه.
له‌و دیداره‌یدا سه‌ره‌ڕای ده‌ستخۆشی له به‌ڕێوه‌به‌رایه‌تی گشتی و ستافی ماڵی داڵده‌دان، خاتوو سێرێنا به‌ش و هۆبه‌و هۆڵه جیاوازه‌كانی ماڵی داڵده‌دانی به‌سه‌ركرده‌وه‌و له نزیكه‌وه به‌شداری چالاكییه‌كی ژنانی هه‌ڕه‌شه‌لێكراوی سلێمانی كرد كه به پشتیوانی قونسوڵخانه‌كه‌ی ئه‌نجامدرابوو.
له‌و دیداره‌دا هه‌ریه‌كه له به‌ڕێزان سۆران سه‌عید، به‌رپرسی به‌شی پلان و پرشنگ كه‌ریم، به‌رپرسی په‌یوه‌ندییه‌كان و شیلان عه‌لی، به‌رێوه‌به‌ری ماڵی داڵده‌دانی ژنانی هه‌ڕه‌شه‌لێكراوی سلێمانی ئاماده‌بوون.
|