به‌ڕێوه‌به‌رایه‌تی گشتی كار بۆ به‌رزكردنه‌وه‌ی توانای كارمه‌ندانی ماڵی داڵده‌دان ده‌كات
به‌مه‌به‌ستی به‌رزكردنه‌وه‌ی توانای كارمه‌ندانی ماڵی داڵده‌دان بۆ باشتركردنی ڕه‌وشی كاركردن بۆ كه‌یسه‌كانی توندوتیژی، له چوارچێوه‌ی پلانی ساڵانه‌ی به‌ڕێوه‌به‌رایه‌تی گشتی، به‌سه‌رپه‌رشتی به‌شی پارێزگاری خێزان‌و به پشتیوانی‌‌و هاوكاری ڕێكخراوی (reach) خولێك بۆ كارمه‌ندانی ماڵی داڵده‌دانی ژنانی هه‌ڕه‌شه‌لێكراوی سلێمانی به‌ڕێوه‌چوو.
بڕیاره خوله‌كه دوو ڕۆژ بخایه‌نێت‌و تیایدا (15) كارمه‌ندی ماڵی داڵده‌دان به ناونیشانی جیاواز ڕاهێنانی تایبه‌ت به چۆنیه‌تی مامه‌ڵه‌كردنی ته‌ندروست له‌گه‌ڵ كه‌یسه‌كانی ماڵی داڵده‌دان له‌لایه‌ن به‌ڕێز پرۆفیسۆر، د.عالیه فه‌ره‌ج، مامۆستای به‌شی كۆمه‌ڵناسی له زانكۆ سلێمانی وه‌رگرن.
ڕاهێنانه‌كه به‌شیێكه له گرنگیپێدانه‌كانی به‌ڕێوه‌به‌رایه‌تی گشتی بۆ ماڵی داڵده‌دانی ژنانی هه‌ڕه‌شه‌لێكراوی سلێمانی له ڕوانگه‌ی قورسی‌‌و هه‌ستیاری كاری كارمه‌ندانی ماڵه‌كه‌و ئه‌و پلانه‌ی كه له سه‌ره‌تای ساڵدا به شێوه‌یه‌كی هه‌مه‌لایه‌نه دانرا.
|