به‌ڕێوه‌به‌ری گشتی پێشوازی له شاندێكی هاوبه‌شی ئه‌نجومه‌نی باڵای خانمان‌و ڕێكخراوی UNFPA دەكات
ڕۆژی دووشه‌ممه، 7ی 8ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌رێزان ئاره‌زوو غه‌فوور، به‌رپرسی به‌شی پارێزگاری خێزان‌و پرشنگ كه‌ریم، به‌رپرسی په‌یوه‌ندییه‌كان، پێشوازیكردن له وه‌فدێكی هاوبه‌شی ئه‌نجومه‌نی باڵای خانمان‌و ڕێكخراوی (UNFPA) كە پێكهاتبوون له به‌ڕێزان به‌روین حه‌سه‌ن، ئه‌ندامی ئه‌نجومه‌نی باڵای خانمان‌و به‌ڕێز ئیڤروڵد حه‌سه‌ن، ڕاوێژكار له ڕێكخراوی (UNFPA)و خاتوو كارا ئاغا، به‌رپرسی پڕۆگرام له نووسینگه‌ی سلێمانی ڕێكخراوه‌كه.
ئامانجی دیداره‌كه بریتبوو له قسه‌كردن له‌سه‌ر گرفته‌كانی خانمان‌و زانین‌و وه‌رگرتنی بۆچوونی به‌ڕێوه‌به‌رایه‌تی گشتی به‌تایبه‌ت له‌باره‌ی كێشه‌و ڕێژه‌ی خه‌ته‌نه‌كردنی مێینه له كوردستان‌و چۆنیه‌تی كاركردن بۆ ڕووبه‌ڕووبوونه‌وه‌ی ئه‌م گرته‌ی خانمان‌و كه‌مكردنه‌وه‌ی ڕێژه‌كه بۆ كه‌مترین ئاست، ئەوەش بەمەبەستی دروستكردنی پلان‌و پڕۆگرامێك بۆ كاركردنی ئاینده‌ی ئه‌و ڕێكخراوه جیهانیه‌و به‌شداریكردنی دامه‌زراوه‌كانی حكومه‌تی هه‌رێم له‌و بواره‌دا.
له‌و باره‌یه‌وه به‌ڕێز به‌ڕێوه‌به‌ری گشتی به شێوه‌یه‌كی زانستی‌‌و واقیعی سه‌باره‌ت به كێشه‌كه قسه‌ی كردو توانای به‌ڕێوه‌به‌رایه‌تی گشتی‌‌و ستافه‌كانی بۆ به‌شداریكردن له پڕۆگرامێكی له‌و جۆره خسته‌ڕوو، هه‌روه‌ك به وردی باسی له چۆنیه‌تی دیزاینكردنی پلانه‌كه‌و گونجانی له‌گه‌ڵ بنه‌ما ئاینی‌‌و كۆمه‌ڵایه‌تی‌و كلتورییه‌كانی كۆمه‌ڵگه‌ی كوردستانی كرد.
|