عومه‌ر گوڵپی: كێشه‌ی كچان‌و ژنانی ماڵه‌كانی داڵده‌دان ده‌رهاویشته‌ی كێشه‌كانی كۆمه‌ڵگه‌یه
له به‌رنامه‌یه‌كی تایبه‌تی ڕادیۆی دواڕۆژدا كه ڕۆژی شه‌ممه، 30ی 7ی 2018 ڕاسته‌وخۆ پێشكه‌شكرا، به‌ڕێز م.عومه‌ر گوڵپی ڕایگه‌یاند كێشه‌ی ژنان‌و كچان له ماڵه‌كانی داڵده‌دان ده‌رهاویشته‌ی ئه‌و كێشه قوڵانه‌یه له كۆمه‌ڵگه‌ی كوردیدا هه‌یه.
هه‌ر له به‌رنامه‌كه‌دا به‌ڕێز به‌ڕێوه‌به‌ری گشتی تیشكی خسته‌سه‌ر ئه‌و ڕووداوه‌ی كه ڕۆژی 24ی 6ی 2018 له ماڵی داڵده‌دانی ژنانی هه‌ڕه‌شه‌لێكراو له سلێمانی ڕوویداو بوویه هۆی گیان له‌ده‌ستدانی سودمه‌ندێكی ماڵی داڵده‌دان، هه‌روه‌ها كێشه‌ی گرفتی ماڵه‌كانی داڵده‌دانی خسته‌ڕوو تیایدا وتی:" كاری ستافه‌كانی ئێمه له ماڵه‌كانی داڵده‌دان له سه‌رو توانای دارایی‌‌و مرۆیی خۆمانه‌وه هه‌یه‌و ئه‌گه‌ری ڕووداوی نه‌خوازراویش به كراوه‌یی ده‌هیڵێته‌وه، ئه‌وه‌ش به‌هۆی ئاڵۆزی‌‌و هه‌ستیاری ئه‌و گرفت‌و كێشانه‌ی سودمه‌نداندا هه‌یانه".
هه‌ر له به‌رنامه‌كه‌دا به‌ڕێز به‌ڕێوه‌به‌ری گشتی ڕوونیكرده‌وه كه ماڵی داڵده‌دانی سلێمانی نمونه‌ی ماڵێكی سه‌ركه‌وتووه له كوردستان‌و كاره‌كانی به كوالێتیه‌كه‌ی به‌رز ئه‌نجامده‌دات‌و ئاستی خزمه‌تگوزارییه‌كان ئه‌گه‌ر زیاتر نه‌بێت له پێش قه‌یران ئه‌وه كه‌متر نییه، ئه‌وه‌ش به دڵسۆزی به‌رپرس‌و كارمه‌ندانی ماڵه‌كان‌و به‌رپرسانی به‌ڕێوه‌به‌رایه‌تی گشتیمان‌و هاوكارو هاوڕێكانمانه له ڕێكخخراوه‌كان.
|