بؤ جاری دووه‌م سیمیناری بایه‌خی زمانی دایك و زیان‌و مه‌ترسییه‌كانی ته‌له‌فزیۆن بۆ منداڵ له قۆناغی دایه‌نگه به‌ڕێوه‌چوو
پاشئه‌وه‌ی له هه‌فته‌ی ڕابردوودا، هه‌ردوو سیمیناری (بایه‌خ‌و گرنگی به‌كارهێنانی زمانی دایك بۆ منداڵ له قۆناغی دایه‌نگه)و (مه‌ترسی‌‌و زیانه‌كانی ته‌له‌فزیۆن له‌سه‌ر منداڵ له قۆناغی دایه‌نگه) به‌ڕێوه‌چوو و تیایدا 25 به‌ڕێوه‌به‌ری دایه‌نگه‌ی حكومی‌‌و ناحكومی به‌شداربوون، ئه‌مڕۆ چوارشه‌ممه، 30ی 5ی 2018، بۆ جاری دووه‌م هه‌مان دوو سیمینار بۆ به‌ڕێوه‌به‌ری 28 دایه‌نگه‌ی تر به‌رێوه‌چوو.
له‌و دوو سیمیناره‌دا، به‌ڕێزان د.شیلان عومەر حسێن، پڕۆفیسۆری یاریده‌ده‌ر له زانكۆی سلێمانی‌‌و دكتۆرا له فه‌لسه‌فه‌ی زمان و د.فه‌همی عه‌لی، پسپۆڕی ده‌روونی زۆر به جوانی ناوه‌ڕۆكی هه‌ردوو سیمیناره‌كه‌یان بۆ ئاماده‌بووان خسته‌ڕوو.
به‌هۆی گرنگی ناوه‌ڕۆك‌و ته‌وه‌ری سیمنیاره‌كانه‌وه، به‌ڕێوه‌به‌ری دایه‌نگه‌كان ده‌ستخۆشیان له مامۆستایانی ئاماده‌بوو و به‌شی دایه‌نگه‌كانی به‌ڕێوه‌به‌رایه‌تی گشتی كرد كه هه‌ستاون به ئه‌نجامدانی ئه‌و دوو سیمیناره.
ناوه‌ڕۆكی سیمیناره‌كان زیاتر خستنه‌ڕووی دیوی زانستی‌‌و به‌ڵگه به‌هێزه زانستییه‌كانی دوو بڕیاری به‌ڕێوه‌به‌رایه‌تی گشتی بوون كه له ماوه‌ی مانگێكی ڕابردوودا تایبه‌ت به زمانی دایك‌و ته‌له‌فزیۆن له دایه‌نگه‌كان ده‌رچوو بوون.
جێی ئاماژه‌یه له ماوه‌ی ڕابردوودا، به‌ڕێوه‌به‌رایه‌تی گشتی به دوو بڕیار دایه‌نگه‌كانی پابه‌ند كرد به به‌كارنه‌هێنانی زمانی بێگانه‌و ته‌له‌فزیۆن، به بڕیاری ژماره (894) له 4ی 4ی 2018، ڕێگه‌ی گرت له به‌كارهێنانی زمانی بێگانه له دایه‌نگه‌كانداو بۆ چالاكییه‌كانی دایه‌نگه‌و به‌بڕیاری ژماره (1464) له 21ی5ی 2018، به‌كارهێنانی ته‌له‌زیۆنی له دایه‌نگه‌كاندا.