ئه‌نجومه‌نی به‌ڕێوه‌به‌رایه‌تی گشتی كۆبوونه‌وه‌ی ئاسایی مانگانه‌ی خۆی ئه‌نجامدا
ڕۆژی سێشه‌ممه، 15ی 5ی 2018، به سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، ئه‌نجومه‌نی به‌ڕێوه‌به‌رایه‌تی گشتی كۆبوونه‌وه‌ی ئاسایی ژماره (5)ی مانگی 5ی ساڵی 2018یان ئه‌نجامدا.
ته‌وه‌ری سه‌ره‌كی كۆبوونه‌وه‌كه پێكهاتبوو له گفتوگۆی پلانی ساڵانه‌ی به‌ڕێوه‌به‌رایه‌تی گشتی‌‌و پیاچوونه‌وه به كۆنووس‌و بڕیاره‌كانی كۆبوونه‌وه‌ی پێشوو و قسه‌كردن له‌سه‌ر چه‌ند كێشه‌و گرفتێكی كاری ڕۆژانه.
له كۆبوونه‌وه‌كه‌دا به‌ڕێوه‌به‌ری گشتی ڕێنمایی پێویستی بۆ مانگی داهاتوو خسته‌ڕوو، هه‌روه‌ها سه‌رجه‌م ئاماده‌بووان گفتوگۆی كێشه‌كانیان كردو پێكه‌وه بڕیاری پێویستیان بۆ باشتركردنی ئه‌داو كاری دیوانی به‌ڕێوه‌به‌رایه‌تی گشتی‌‌و به‌ڕێوه‌به‌رایه‌تیه‌كان دا.
ئه‌نجومه‌نی به‌ڕێوه‌به‌رایه‌تی گشتی پێكهاتووه له جێگرانی به‌ڕێوه‌به‌ری گشتی‌‌و شاره‌زاكانی دیوان‌و به‌ڕێوه‌به‌ری كارگێڕی‌‌و به‌رپرسی به‌شه‌كان‌و به‌رپرسی هۆبه گرنگه‌كان‌و مانگانه كۆبوونه‌وه‌ی ئاسایی خۆی ده‌كات‌و له كۆبوونه‌وه‌كه‌دا هه‌موو پرسه‌كانی په‌یوه‌ست به كاری به‌ڕێوه‌به‌رایه‌تی گشتی گتوگۆ ده‌كرێن‌و پێكه‌وه بڕیاری پێویستیان له‌باره‌وه ده‌درێت، ئه‌م كۆبوونه‌وه‌یه كۆبوونه‌وه‌ی ژماره(5)ی ساڵی 2018 بوو، بڕیاروایه كۆبوونه‌وه‌ی داهاتوو له 14ی 6ی 2018 به‌ڕێوه بچێت.
|